Samfélagsmiðlar

Styðja við spænsku flugfélögin

Iberia og Vueling tilheyra bæði flugfélagasamsteypunni IAG ásamt British Airways og Aer Lingus. Nú ætla spænsk stjórnvöld að styðja við þau tvö fyrrnefndu.

iberia express

Þeim fjölgar sífellt flugfélögunum sem þurfa að leita á náðir hins opinbera eftir hlutafé eða lánum vegna kórónaveirukrísunnar. Icelandair bættist í þann hóp í gær þegar ríkisstjórnin gaf út að ríkið væri tilbúið að eiga samtal um mögulega veitingu lánalínu eða ábyrgð á lánum til Icelandair. Í dag var svo röðin komin að spænsku flugfélögunum Iberia og Vueling en spænska ríkið ætlar að ábyrgjast lán til félaganna upp á einn milljarða evra eða um 160 milljarða króna samkvæmt frétt Bloomberg.

Bæði flugfélögin tilheyra eignarhaldsfélaginu IAG og það gera líka British Airways og hið írska Aer Lingus. Lánin frá spænska ríkinu eru þó eyrnamerkt spænsku flugfélögunum tveimur, Iberia fær þrjá fjórðu upphæðarinnar og Vueling fjórðung.

Áður hafa stjórnendur British Airways hafnað opinberum stuðningi og hafa því ekki sóst eftir láni úr sérstökum breskum sjóði til stuðnings við atvinnulífið þar í landi vegna heimsfaraldursins. Þeir ætla engu að síður að segja upp nærri þremur af hverjum tíu starfsmönnum og hefur félag breska flugmanna lýst yfir furðu á þeirri ráðagerð í ljósi þess að félagið hafnar öllum opinberum stuðningi.

Nú liggur aftur á móti fyrir að bæði Iberia og Vueling fá opinberan stuðning en bæði þessi félög stunda Íslandsflug. Vueling flýgur hingað frá Barcelona og dótturfélag Iberia, Iberia Express, býður upp á áætlunarferðir milli Íslands og Madrídar á sumrin.

 

 

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …