Samfélagsmiðlar

Hafa tekið úr sölu allt flug milli Parísar og Íslands

Það ríkir ekki lengur samkeppni í flugi milli Íslands og höfuðborgar Frakklands. Nú er að sjá hvort Play skori Icelandair á hólm á Charles de Gaulle flugvelli í haust eða hvort Transavia hefji flug á ný til Íslands frá Orly.

Allt frá sumrinu 2007 hefur Icelandair att kappi við önnur flugfélög í áætlunarferðum til höfuðborgar Frakklands.

Eftir fall WOW air í fyrra þá fjölguðu stjórnendur fransk-hollenska flugfélagsins Transavia ferðunum til Íslands frá París. Auk þess hóf félagið flug hingað frá Amsterdam og nú í sumar bættust við vikulegar brottfarir frá frönsku borginni Nantes.

Nú er aftur á móti ekki lengur hægt að bóka flug með Transavia frá París til Íslands en ekki fást skýringar frá félaginu á þessari breytingu. En eins og staðan er núna þá er Icelandair eitt um áætlunarferðirnar héðan til Parísar.

Það er í fyrsta sinn síðan árið 2007 sem félagið fær enga samkeppni á þeirri flugleið yfir sumarmánuðina. Fyrst frá Iceland Express, svo frá WOW og að lokum Transavia.

Forsvarsmenn Play boðuðu reyndar flug til Parísar þegar þeir sviptu hulunni af áformum félagsins í nóvember í fyrra. Og þar sem félagið hyggst hefja starfsemi nú í haust er ekki útilokað að Icelandair fái fljótt samkeppni á ný í flugi til höfuðborgar Frakklands.

Air France, stærsta flugfélag Frakklands, hefur ekki látið til sín taka á Keflavíkurflugvelli en Transavia er reyndar hluti af Air France/KLM samsteypunni. En núverandi áform stjórnenda fyrirtækisins ganga út á að efla lággjaldaflugfélagið Transavia á kostnað Air France.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …