Samfélagsmiðlar

Icelandair stefnir að 37 prósent afköstum í haust

Flugáætlun Icelandair gerir ráð fyrir fjölgun brottfara næstu vikur en áfram eru umsvifin miklu minni en í fyrra.

Eftir að flugsamgöngur milli Evrópuríkja hófust á ný um miðjan júní þá hefur Icelandair, líkt og fleiri flugfélög, birt uppfærða flugáætlun á nokkurra vikna fresti. En til marks um óvissuna sem ennþá ríkir vegna Covid-19 þá hafa þessi áform tekið töluverðum breytingum. Þannig gerði áætlun félagsins, sem birt var um miðjan júní, ráð fyrir mun meiri umsvifum yfir hásumarið en raunin varð.

Nú liggur fyrir hvernig stjórnendur Icelandair sjá fyrir sér næstu sex vikur og á þessu tímabili er gert ráð fyrir þónokkrum viðbótum frá því sem nú er. Til marks um það þá eru 102 áætlunarferðir á dagskrá Icelandair síðustu vikuna í september. Það er 37 prósent af því sem var á sama tíma í fyrra samkvæmt talningum Túrista.

Til samanburðar eiga þotur Icelandair að taka 76 sinnum á loft frá Keflavíkurflugvelli í næstu viku. Það er rétt um fimmtungur af því sem var fyrir ári síðan.

Samdrátturinn í farþegafjölda er svo líklegast ennþá meiri því sætanýting í flugi er lág um þessar mundir. Reyndar var nýtingin mun hærri hjá Icelandair í júlí en hjá Finnair og SAS.

Skýringin á því gæti reyndar legið í fyrrnefndum breytingum á flugáætlun því þegar ferðir eru felldar niður þá eru margir farþegar fluttir yfir í næstu brottför. Þar með þéttist bekkurinn í þeim ferðum sem eftir standa.

Það sem þyngir einnig rekstur flugfélaga nú um stundir er sú staðreynd að þau hafa gefið út ógrynni af inneignarnótum í heimsfaraldrinum. Þar með sitja sífellt fleiri í farþegarýminu sem ekki færa flugfélögunum nýjar tekjur. Kostnaðurinn við að flytja fólk milli staða fer þó hvergi líkt og IATA, alþjóðasamtök flugfélaga, bentu nýverið á.

Í því samhengi má rifja upp að á fyrri helmingi ársins gaf Icelandair út inneignarbréf fyrir 9,1 milljarð króna. Það jafngildir fjórðungi af farmiðasölu fyrirtækisins á öðrum ársfjórðungi í fyrra.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …