Samfélagsmiðlar

Kaupa tólf MAX þotur í stað sextán

Icelandair Group hefur náð samkomulagi við Boeing og helstu kröfuhafa félagsins.

Ein af MAX þotum Icelandair.

Icelandair Group hefur nú undirritað samninga við alla kröfuhafa og náð endanlegu samkomulagi við bandaríska flugvélaframleiðandann Boeing vegna kyrrsetningar MAX flugvéla. Þetta kemur fram í tilkynningu sem félagið sendi frá sér í gærkvöld.

Sem fyrr eru efnisatriði samkomulagsins við Boeing trúnaðarmál en það felur í megindráttum í sér að Icelandair fellur frá kaupum á fjórum MAX þotum. Það þýðir að flugfélagið mun samtals kaupa tólf þess háttar flugvélar af Boeing. Helmingur þeirra er nú þegar í flota Icelandair og þrjár til viðbótar hafa verið tilbúnar til afhendingar allt frá því að MAX þotur voru kyrrsettar í mars í fyrra.

Samkomulagið við Boeing gerir jafnframt ráð fyrir að frekari bótum vegna þess tjóns sem kyrrsetning þotanna hefur haft á rekstur Icelandair. Félagið hefur í tvígang fengið bætur frá Boeing vegna málsins og hefur leynd ríkt um upphæðirnar. Þannig voru bæturnar meðal annars færðar inn sem farþegatekjur í fyrra sem gerir það ómögulegt að sjá hver fargjaldaþróun Icelandair var eftir fall helsta keppinautarins, WOW air.

Gert er ráð fyrir að þessar sex þotur sem eftir standa verði afhentar á tímabilinu frá öðrum ársfjórðungi næsta árs og fram til fyrsta ársfjórðungs 2022.

„Samkomulagið styrkir lausafjárstöðu Icelandair Group og stuðlar að auknum sveigjanleika þegar kemur að skipulagi flotamála á næstu árum,“ segir í tilkynningu Icelandair Group.

Í ljósi þess að aðrar þotur í flota Icelandair eru komnar til ára sinna má gera ráð fyrir að stjórnendur félagsins birti í komandi fjárfestakynningu sýn sína á hvernig floti félagsins verður endurnýjaður í nánustu framtíð.

Til viðbótar við samkomulagið við Boeing náði Icelandair samkomulagi við kröfuhafa um skilmálabreytingar. Þessir samningar taka mið af því að laga afborganir að væntu sjóðstreymi frá rekstri samsteypunnar. Meðal helstu kröfuhafa eru Íslandsbanki og Landsbanki.

En þessir tveir bankar koma líka að útfærslu lánalínu frá íslenskum stjórnvöldum til Icelandair. Forsenda lánveitingarinnar er að komandi hlutafjárútboð gangi upp.

Stjórnendur Icelandair áætla að birta fjárfestakynningu með ítarlegum upplýsingum fyrir fjárfesta og þátttakendur í fyrirhuguðu hlutafjárútboði og tímalínu á næstu dögum. 

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …