Samfélagsmiðlar

Ferðakostnaður Össurar lækkaði verulega

Reynsla starfsmanna eins stærsta útflutningsfyrirtækis landsins af notkun fjarfundabúnaðar er góð. Þar á bæ er því talið einsýnt að ferðakostnaður fyrirtækisins muni lækka í framtíðinni.

Um fjögur þúsund starfsmenn vinna hjá Össuri í samtals 25 löndum.

Það hefur ekki verið einfalt að ferðast milli landa síðustu misseri og það hafa einnig verið skorður á ferðalög innan landa vegna útbreiðslu kórónaveirunnar. Á sama tíma er mælst til að fólk sinni vinnunni heiman frá sér. Ráðstefnuhald, sölusýningar og allt þess háttar liggur líka niðri og það eru því vafalítið fáir flugfarþegar í vinnuerindum þessa dagana.

Þessi einkennilega staða endurspeglast í útgjöldum fyrirtækja til ferðalaga og þannig var ferðakostnaður stoðtækjaframleiðandans Össurar um það bil áttatíu prósent lægri á þriðja fjórðungi ársins. Fyrirtækið er með starfsemi í 25 löndum.

Edda H. Geirsdóttir, framkvæmdastjóri samskiptasviðs Össurar, bendir á að ferðakostnaðurinn sé áfram töluverður á mörkuðum þar sem fólk notast við aðra ferðamáta en flugvélar. Hún bætir því við að sölufólk fyrirtækisins víða um heim muni áfram kappkosta að heimsækja viðskiptavini eftir því sem aðstæður leyfa.

Spurð hvort hún telji að ferðaskostnaður muni lækka í framtíðinni með aukinni notkun fjarfundabúnaðar þá segir Edda að reynsla starfsmanna síðustu mánaða af þess háttar búnaði hafi verið mjög góð.

„Við teljum einsýnt að hægt verði að minnka ferðakostnað í framtíðinni með áframhaldandi notkun.“

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …