Samfélagsmiðlar

Ennþá bið eftir Andra Má og Icelandair

Uppfært: Tveimur klukkustundum eftir birtingu þessarar greinar þá sendi Icelandair frá sér tilkynningu þar sem fram kom að jóladagskrá félagsins væri tilbúin. Og á heimasíðu Aventura eru núna hægt að bóka ferðir til Spánar næsta sumar. Í bókunarferlinu kemur þó ekki fram hvaða flugfélag mun fljúga með farþegana á áfangastað.

Andri Már Ingólfsson, eigandi ferðaskrifstofunnar Aventura, boðaði síðastliðinn mánudag „ótrú­lega hag­kvæm“ fargjöld til fjögurra áfangastaða á Spáni næsta sumar. Sala á farmiðunum átti að hefjast í síðustu viku samkvæmt frétt Mbl.is en ennþá eru engir farmiðar komnir í sölu á heimasíðu Aventura.

Andri Már vildi ekki upplýsa um heiti danska flugfélagsins sem flytja á farþega hans til Spánar þegar Túristi spurðist fyrir um málið.

Af lýsingum að dæma þá er um að ræða flugfélagið Great Dane frá Álaborg. Það félag hefur sinnt flugi fyrir dönsku ferðaskrifstofuna Bravo Tours en sú var einmitt í eigu Primera Travel Group sem Andri Már átti þar til að Arion banki leysti samsteypuna til sín.

Jóladagskrá Icelandair væntanleg

Þó ekki verði gerðar tilslakanir á landamærunum þá má gera ráð fyrir að umferðin um Keflavíkurflugvöll þyngist um miðjan desember í ljósi þess að um 45 þúsund Íslendingar búa í útlöndum. Hin tímabundna flugáætlun Icelandair nær hins vegar aðeins til 29. nóvember en til stóð að birta jóladagskrá flugfélagsins í síðustu viku líkt og Túristi hafði eftir Boga Nils Bogasyni, forstjóra Icelandair Group.

Ennþá er þessi áætlun fyrir hátíðarnar ekki komin á heimasíðu Icelandair. Þar er þó hægt að bóka flug til allra áfangastaða félagsins næstu vikur og mánuði en þá ber að hafa í huga að félagið hefur fellt niður stóran hluta af ferðum sínum með aðeins tveggja sólarhringa fyrirvara. Félagið skuldbindur sig þó til að koma farþegunum á áfangastað.

Icelandair kemur Aventura á flug

Þess má svo geta að Aventura efnir til jólaferðar til Alicante í ár og hefur leigt flugvél af Icelandair í þá útgerð. Verður þetta fyrsta leiguflugið sem Aventura stendur fyrir frá því að ferðaskrifstofan tók til starfa.

Nýtt efni

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …