Samfélagsmiðlar

Hafa sagt upp helmingi skrifstofufólks og 84 prósent flugmanna

Að öllu óbreyttu verða nærri átta starfsmenn á skrifstofu Icelandair á hvern flugmann um áramótin. Hlutfallið var nærri fjórfalt lægra fyrir heimsfaraldurinn. Hjá Finnair er staðan önnur.

icelandair 767 757

Það voru 562 flugmenn að störfum hjá Icelandair sumarið 2019. Um síðustu áramót var 112 þeirra sagt upp vegna áframhaldandi kyrrsetningar Boeing MAX þotanna. Þar með voru 450 flugmenn með vinnu hjá flugfélaginu en flestir þeirra fengu uppsagnarbréf í vor vegna ástandsins sem Covid-19 hefur valdið.

Í dag eru 139 flugmenn á launum hjá Icelandair en 68 þeirra hefur verið sagt upp frá og með áramótum. Eins og staðan er núna hefur flugmönnum hjá Icelandair því fækkað um 69 prósent frá byrjun þessa árs. Að öllu óbreyttu verður hlutfallið komið í 84 prósent um komandi áramót.

Hjá flugfélaginu hefur starfsfólki á skrifstofu fækkað hlutfallslega mun minna eða um tæpan helming. Í febrúar voru um þúsund starfsmenn á skrifstofum Icelandair en fjöldinn var kominn niður í 540 í október. Þetta kemur fram í svari félagsins við fyrirspurn Túrista.

Þar segir að til starfsfólks á skrifstofu teljist m.a. sölu- og þjónustusvið, fjármálasvið, mannauðssvið, þróun og rekstur leiðakerfis, upplýsingatækni og flugrekstrarsvið.

Framboðið dregist gríðarlega saman

Flugfélög víða um heim hafa sagt upp stórum hluta starfsmanna sinna síðustu mánuði enda hafa samgöngur milli landa verið mjög takmarkaðar í ár. Framboðið hjá Icelandair dróst til að mynda saman um 96 prósent í september enda getur félagið ekki lengur boðið upp á reglulegt flug til Norður-Ameríku. Ferðirnar vestur um haf vega þungt í leiðakerfi félagsins.

Á sama hátt byggir Finnair starfsemi sína að miklu leyti á flugi til Asíu. Ferðirnar þangað liggja líka að mestu leyti niðri. Framboðið hjá finnska flugfélaginu minnkaði um 88 prósent í september.

Sami fjöldi flugmanna hjá Finnair og í ársbyrjun

Hjá Finnair hafa stjórnendur hins vegar snúið sér öðruvísi í niðurskurðinum. Fyrr í þessum mánuði var til að mynda tilkynnt um uppsagnir sjö hundruð starfsmanna en þær náðu ekki til áhafna.

Fjöldi flugmanna hjá félaginu hefur þannig haldist nær óbreyttur í ár segir í svari Finnair við fyrirspurn Túrista. „Við erum með rétt undir þúsund flugmenn hjá Finnair. Sá fjöldi hefur verið nær óbreyttur frá ársbyrjun en lítill hópur flugmanna fór þó á eftirlaun í ár.“

Flugmenn finnska félagsins hafa þó, líkt og aðrir starfsmenn, þurft að sætta sig við tímabundnar uppsagnir samkvæmt því sem segir í svari Finnair.

Þurfa miklu fleiri flugmenn fyrir sumarið

Í máli forsvarsfólks Icelandair hefur komið fram að félagið hyggist afturkalla uppsagnir áhafna um leið og aðstæður batna og eftirspurn eykst á ný. „Við teljum okkur geta brugðist hratt við um leið og þær aðstæður skapast,“ segir Ásdís Ýr Pétursdóttir, upplýsingafulltrúi Icelandair, spurð hversu sveigjanlegt flugfélagið er í raun með aðeins um sjötíu flugmenn í vinnu.

Næsta sumar gerir Icelandair ráð fyrir að heildarsætaframboðið verði um 25 til 30 prósent minna en það var sumarið 2019. Þá voru, sem fyrr segir, 562 flugmenn í vinnu hjá Icelandair og þeir þyrftu þá að vera tæplega fjögur hundruð næsta sumar. Eða um sex sinnum fleiri en verða á launaskrá félagsins eftir áramót.

Þörfin fyrir fjölda flugmanna gæti þó verið aðeins minni því nýir kjarasamningar Félags íslenskra atvinnuflugmanna við Icelandair kveða á um aukna vinnuskyldu.

„Stærstu atriðin í nýjum kjarasamningum flugmanna snúa að þáttum sem nýtast í öllu áætlunarflugi félagsins, ekki eingöngu á lengri leiðum svo reiknað er með að ávinningur af þeim verði staðreynd næsta sumar,“ segir Ásdís, upplýsingafulltrúi Icelandair, aðspurð um hvernig samningarnir nýtast næsta sumar. Hún segir þá jafnframt gefa flugfélaginu kost á að fljúga lengri leiðir án þess að hvíld umfram reglugerðarkröfur þurfi að koma til á erlendri stöð.

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …