Sóttvarnaraðgerðir hafa verið hertar víða í Evrópu nú í haust og hér á landi hefur verið krafa síðan 19. ágúst að allir fari í sóttkví við komuna til landsins. Strax í september dróst umferðin um Keflavíkurflugvöll meira saman en var raunin í júlí og ágúst eins og sjá má á grafinu hér fyrir neðan.
Í október hélt þessi niðursveifla áfram því þá fækkaði brottförum um 91 prósent samkvæmt talningu Túrista. Hún var aðeins meiri í júní eða 92 prósent. Að jafnaði voru áætlunarferðirnar héðan tæplega fimm á dag í október en voru fimmtíu og ein á sama tíma í fyrra.
Stór hluti þessarar þróuna skrifast á Icelandair sem hefur síðustu vikur aflýst bróðurparti allra brottfara. Í október stóð félagið aðeins undir um þremur af hverjum tíu áætlunarferðum frá Keflavíkurflugvelli sem er miklu minni hlutdeild en áður. Þar með hefur vægi erlendra flugfélaga ekki áður verið eins hátt október eins og efra grafið sýnir.
