Samfélagsmiðlar

260 þúsund farþegar frá Íslandi til Tenerife

Árið 2005 flugu rúmlega fimm hundruð manns frá Íslandi til Tenerife. Strax árið eftir margfaldaðist fjöldinn og síðustu ár hafa þúsundir haldið héðan til eyjunnar í hverjum mánuði.

Orotava dalurinn á Tenerife.

Það er margra áratuga hefð fyrir vetrarferðum Íslendinga til Gran Canaria eða Kanarí. Ferðalög landans til Kanaríeyjunnar Tenerife eiga sér hins vegar ekki eins langa sögu því það var fyrst í lok árs 2005 sem í boði voru reglulegar ferðir þangað frá Íslandi.

Það var hin nýstofnaða ferðaskrifstofa Sumarferðir sem reið á vaðið og eins og sjá má á grafinu hér fyrir neðan þá voru viðtökurnar góðar. Aðrar ferðaskrifstofur fylgdu í kjölfarið og í árið 2006 flugu rúmlega 11 þúsund manns frá Íslandi til eyjunnar.

Fjöldinn fór upp í nærri 18 þúsund árið 2008 en eftir efnahagshrunið fækkaði íslenskum ferðamönnum á spænsku eyjunni.

Segja má að nýr kafli í ferðum Íslendinga til Tenerife hefjist í mars árið 2015. Þá hóf WOW air áætlunarflug til eyjunnar og árið eftir var félagið farið að fljúga tvisvar í viku til eyjunnar. Framboðið jókst líka hjá stærstu ferðaskrifstofunum.

Árið 2018 var svo metár en þá komu nærri 44 þúsund farþegar til Tenerife í flugi frá Íslandi. Þeim fækkaði svo í fyrra en WOW air varð gjaldþrota í mars það ár. Um haustið hóf Norwegian svo að fljúga milli Tenerife og Íslands og náði félagið strax sextíu prósent hlutdeild á markaðnum enda með mjög tíðar ferðir á boðstólum.

Samtals hafa 260 þúsund farþegar flogið héðan til Tenerife frá árinu 2005 til 2019.

Nýtt efni

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …

Þegar landamæri opnuðu á ný eftir heimsfaraldurinn fylltust þoturnar og flugfélögin gátu hækkað farmiðaverðið það mikið að mörg þeirra skiluðu í fyrra meiri hagnaði en oft áður. Hækkandi tekjur af hverju flugsæti náðu þannig að vega upp á móti háu olíuverði, hækkandi launakostnaði og aukinni verðbólgu. Núna eru hins vegar vísbendingar um að hinni uppsöfnuðu …