Samfélagsmiðlar

Fjöldi flugmanna gæti þurft að halda sér við fyrir eigin reikning

Það kostar flugmenn umtalsverðar upphæðir að halda sér við nú þegar margir þeirra eru án vinnu.

Frá þjálfunarmiðstöð Icelandair í Hafnarfirði.

Frá og með áramótum verður aðeins 71 flugmaður á launaskrá Icelandair. Til samanburðar voru þeir 562 sumarið 2019 en stjórnendur Icelandair hafa gefið út að umsvif flugfélagsins næsta sumar eigi að vera rétt um fjórðungi minni en í hittifyrra.

Ef það á að ganga eftir þá ætti félagið að þurfa að endurráða fjölda flugmanna á næstunni. Þeir sem ekki fá vinnu verða þá að bera kostnaðinn sjálfir við að halda sér við.

Og það gera margir til að eiga betri möguleika á nýju starfi segir Hörður Þorvaldsson hjá V-one, fyrirtæki sem sérhæfir sig í þjálfun og ráðgjöf fyrir flugmenn og flugfélög á alþjóðavísu. V-one var stofnað nýverið af teymi þjálfunarflugstjóra Icelandair.

„Flugmenn þurfa að hafa LPC próf, License proficiency check, sem er tekið í flughermi og gildir í tólf mánuði. Þess háttar próf kostar í dag um 1800 dollara (um 230 þúsund kr.) og til viðbótar er gerð krafa um þrjár lendingar á síðustu níutíu dögum. Í ljósi þess hve langt er liðið frá fyrstu hópuppsögnunum þá er ljóst að margir flugmenn uppfylla ekki þetta skilyrði. Þá þarf að kaupa sér tíma aukalega í flughermi fyrir lendingarnar,“ segir Hörður.

Hann bendir jafnframt á að flugmenn verði að gangast undir ítarlega læknisskoðun hvert ár og hana þarf þá einnig að borga úr eigin vasa.

„Þeir flugmenn sem verða endurráðnir fyrir sumarið fara þó væntanlega í endurþjálfun á kostnað Icelandair,“ bætir Hörður við og segir að Icelandair hafi staðið sig mjög vel þegar kemur að þjálfunarmálum flugmanna.

Til marks um það þá rekur félagið sitt eigið þjálfunarsetur og er með flugherma fyrir allar þær gerðir flugvéla sem félagið notar. „Það hefur verið mikill metnaður og framsýni þar,“ segir Hörður að lokum.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …