Samfélagsmiðlar

Aðkoma Landsbankans að Keahótelunum ekki tilkynnt til Samkeppniseftirlitsins

Hótel Borg er hluti af Keahótelunum.

Það heyrir til undantekninga að Landsbankinn eignist hlut í fyrirtæki í kjölfar greiðsluerfiðleika en niðurstaða fjárhagslegrar endurskipulagningar Keahótelanna varð sú að ríkisbankinn eignaðist þriðjungs hlut í fyrirtækinu.

Páll Gunnar Pálsson, forstjóri Samkeppniseftirlitsins, segir það ráðast síðar hvort eftirlitið hafi frumkvæði að því að skoða umrædda aðkomu bankans.

„Samkeppniseftirlitinu hefur ekki enn sem komið er verið tilkynnt formlega um umrædda samninga á grundvelli samrunareglna samkeppnislaga, en það er á þessu stigi á hendi aðila máls að meta hvort samningar af þessu tagi skapi yfirráð. Það ræðst svo á síðari stigum hvort ástæða verður til þess að skoða þessa samninga nánar að frumkvæði Samkeppniseftirlitsins,“ segir Páll Gunnar í svari til Túrista.

Keahótelin eru þriðja stærsta hótelfyrirtæki landsins með níu hótel á sínum snærum en að var sumarið 2017 sem núverandi meðeigendur Landsbankans keyptu sinn hlut í hótelkeðjunni í gegnum eignarhaldsfélagið K Acquisitions. Hvorki það félag né Keahótelin hafa skilað inn ársreikningi fyrir árið 2019 samkvæmt fyrirtækjaskrá Skattsins.

Í hittifyrra nam hagnaður Keahótelanna 484 milljónum króna og dróst saman um 55 milljónir milli ára. Stjórn félagsins lagði þá til að greiddur yrði arður upp á 1.031 milljónir króna. Sú upphæð nam nærri öllu eigin fé fyrirtækisins líkt og fram kom í úttekt Viðskiptablaðsins á sínum tíma.

Líkt og Túristi hefur áður fjallað um þá heyrir Exeter hótelið við Tryggvagötu ekki lengur undir Keahótelin. Eigendur fasteignarinnar ætla nú sjálfir að spreyta sig á rekstri hótels.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …