Samfélagsmiðlar

Aðeins starfandi flugmenn Icelandair í þjálfun á MAX vélarnar

Ekki liggur fyrir hversu margar MAX þotur verða nýttar í sumaráætlun Icelandair.

Búist er við að evrópsk flugmálayfirvöld aflétti kyrrsetningu Boeing MAX þotanna fljótlega líkt og gert hefur verið vestanhafs. Í flota Icelandair eru sex þess háttar þotur og þrjár til viðbótar verða afhentar á næstu mánuðum.

Á launaskrá flugfélagsins eru í dag rétt um sjötíu flugmenn og var þeim tilkynnt í lok síðustu viku að þjálfun á flugvélarnar myndi hefjast í febrúar eða mars.

Ásdís Pétursdóttir, upplýsingafulltrúi Icelandair, staðfestir þessa tímasetningu í svari til Túrista. Hún segir að stefnt sé að því að byrja þjálfun um þarnæstu mánaðamót. „Þetta eru allt flugmenn úr hópi þeirra sem eru starfandi hjá okkur núna,“ bætir hún við.

Ekki liggur fyrir hvenær endurráðningar flugmanna hefjast né hversu margar MAX þotur verða í notkun í sumar. „Óvissan á okkar helstu mörkuðum er því miður enn mjög mikil,“ bendir Ásdís á.

Núverandi sumaráætlun Icelandair gerir ráð fyrir að sætaframboðið verði 25 til 30 prósent minna en sumarið 2019. Þá störfuðu 562 flugmenn hjá félaginu. Sem fyrr segir eru þeir rétt um sjötíu í dag.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …