Segja má að Icelandair og írska flugfélagið Aer Lingus eigi tvennt sameiginlegt. Í fyrsta lagi hafa stjórnendur þeirra beggja skilgreint þau sem flugfélög sem eru mitt á milli hefðbundinni félaga og svo lágfargjaldafélaga. Þannig hefur írska félagið lengi notað heitið „value airline“ í sínu markaðsefni. Og á hluthafafundi Icelandair í síðastliðið vor talað um flugfélagið sem „value for money airline“ eða flugfélag sem er peninganna virði.
Flugfélögin tvö eiga það svo líka sameiginlegt að gera sérstaklega mikið út á tengiflug milli Evrópu og Norður-Ameríku. Þannig flýgur Aer Lingus sínum farþegum til Dublin og svo þaðan til fjölda áfangastaða í Bandaríkjunum og Kanada.
Nú ætlar Aer Lingus sér ennþá stærri hluta af þessum markaði. Því vor áformar félagið að setja upp starfsstöð í Manchester á Englandi og fljúga þaðan til Boston, New York og Orlando. Allt eru þetta borgir sem eru hluti af leiðakerfi Icelandair.
Þannig hafa íbúar Manchester lengi getað flogið með Icelandair til Keflavíkurflugvallar og svo þaðan til Bandaríkjanna. Á sama hátt hafa íbúar Bandaríkjanna, á leið til Manchester, haft kost á því að fljúga með Icelandair yfir Norður-Atlantashafið.
Og vísbendingar eru um að staða Icelandair hafa veikst í Seattle með tilkomu Aer Lingus til bandarísku borgarinnar líkt og Túristi rakti nýverið.
Aer Lingus er hluti af IAG flugfélagasamsteypunni en þar er British Airways stærsta félagið. Þrátt fyrir tengslin þá mun írska flugfélagið nú hefja áætlunarflug frá Bretlandi til Bandaríkjanna.
