Það skarð sem Wow air skyldi eftir sig í flugi milli Íslands og Frakklands hafði ekki verið fyllt áður en heimsfaraldurinn hófst í lok síðasta vetrar. Framboð á flug til Parísar dróst saman um nærri helming og ekkert flugfélag tók við ferðum Wow til Lyon.
Flug Icelandair til Frakklands heldur nefnilega áfram að takmarkast við reglulegar ferðir til Charles de Gaulle flugvallar í París. Fransk-hollenska lágfargjaldaflugfélagið Transavia gerði þó tilraun síðastliðið sumar með ferðir frá Nantes sem fengu góðar viðtökur.
Þær ferðir voru þó ekki settar á dagskrá fyrir komandi sumar en aftur á móti ráðgerði Transavia að hefja Íslandsflug frá Orly í París á ný nú í vor.
Nú hefur fyrstu ferð Transavia frá frönsku höfuðborginni hins vegar verið frestað fram í byrjun júlí. Samtals hefur félagið þá fellt niður 34 ferðir hingað í maí og júní.
Aftur á móti eru ferðir Transavia frá Schiphol í Amsterdam til Keflavíkurflugvallar ennþá á dagskrá frá og með lokum mars.