Samfélagsmiðlar

Ítölsku túristarnir komu þrátt fyrir allt og eyddu nærri milljarði króna

Ítalía fór mjög illa út úr fyrstu bylgju COVID-19 og Icelandair felldi niður allar ferðir sínar til Mílanó um sumarið. Wizz Air tók við keflinu og ítalskir ferðamenn voru fjölmennir hér á landi síðla sumars. Kortavelta hvers og eins þeirra jókst frá sumrinu 2019.

Frá Akureyri en í ágúst í fyrra þá stóðu Ítalir undir ellefu prósent allra gistinátta útlendinga á hótelum á Norðurlandi.

Þó Ítalía hafi aldrei lokað landamærum sínum í upphafi heimsfaraldursins í fyrra þá giltu þar takmarkanir um ferðalög milli héraða fram á byrjun síðasta sumars. Hingað skiluðu sér því fáir ítalskir ferðamenn í júlí eða rétt rúmlega níu hundruð manns samkvæmt talningu Ferðamálastofu. Samdrátturinn nam 83 prósentum frá júlí árið 2019.

Staðan breyttist hins vegar til hins betra í ágúst því þá voru hér tæplega átta þúsund Ítalir. Fækkunin frá sama tíma árið áður var þá rétt um fjörutíu prósent. Til samanburðar fækkaði frönskum ferðamönnum á Íslandi um 77 prósent ágúst og þeir spænsku voru helmingi færri.

Bættu við fjórðu vikulegu ferðinni

Þessi góða viðspyrna Íslands sem áfangastaðar á ítalska markaðnum, í lok síðasta sumars, er meðal annars áhugaverð fyrir þær sakir að Icelandair felldi niður allar ferðir sínar til Mílanó í fyrra.

Wizz Air fór hins vegar jómfrúarferð sína til Keflavíkurflugvallar frá ítölsku borginni í byrjun júlí. Og í ágúst fjölgaði félagið með stuttum fyrirvara ferðum sínum úr þremur í fjórar í viku.

Það er til marks um að eftirspurnin hefur farið fram úr væntingum og samtals flugu þotur Wizz Air sautján ferðir til Íslands frá Mílanó síðastliðinn ágúst. Icelandair flaug einmitt jafn oft til borgarinnar þennan sama mánuð árið 2019 samkvæmt talningum Túrista.

Eyddu fleiri krónum

Samtals nam kortavelta Ítala hér á landi í ágúst í fyrra 957 milljónum króna. Það jafngildir nærri 125 þúsund á hvern og einn þeirra og er fjögur prósent hærri upphæð en á sama tíma í hittifyrra. Krónan var þó veikari síðastliðið sumar.

Hafa ber í huga að í þessum áætlunarferðum Wizz Air og Icelandair frá Mílanó hafa ekki nógu mörg sæti fyrir alla þá ítölsku ferðamenn sem til Íslands koma. Margir þeirra millilenda því á leiðinni hingað og það hefur til að mynda komið fram í viðtölum Túrista við forsvarsmenn Lufthansa að Íslandsflug þess félags er vel nýtt af ítölskum ferðamönnum.

Svo má ekki gleyma að Ítalir eru taldir sem ítalskir ferðamenn þó þeir búi í raun í allt öðru landi.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …