Samfélagsmiðlar

Segir sætanýtinguna í Íslandsfluginu viðunandi

Þotur flugfélaga eru ekki nærri því eins þéttsetnar í dag og þær voru fyrir heimsfaraldur. Það sama á við um hjá Lufthansa, einu stærsta flugfélagi heims, sem ennþá sendir þotur sínar hingað tvisvar í viku.

Þotur Lufthansa fljúga tvisvar í viku milli Íslands og Frankfurt þessa dagana. Bæði með fólk og frakt.

Eina áætlunarferð gærdagsins frá Keflavíkurflugvelli var flug Lufthansa til Frankfurt. Í þeirri flugáætlun sem Icelandair birti í byrjun árs var gert ráð fyrir flugi á vegum félagsins til bæði Frankfurt og Munhcen. Þær hafa nú verið felldar niður.

Lufthansa er því eitt um allar ferðir milli Íslands og Þýskalands þessa dagana líkt og talsmaður félagsins bendir á.

„Lufthansa flýgur til Keflavíkur tvisvar í viku frá Frankfurt á Airbus A319 þotum yfir veturinn. Sætanýtingin er viðundandi í þessum flugum og við erum eina flugfélagið sem í dag flýgur milli Íslands og Þýskalands,“ segir Boris Ogursky, talmaður Lufthansa, í samtali við Túrista.

Hann bætir því við að flugið hingað snúist ekki eingöngu um fólksflutninga því í lest flugvélanna er líka töluvert af frakt. Aðallega eru það aukahlutir fyrir skip og báta, efni, raftæki og viðkvæmur varningur sem fluttur er til og frá Keflavíkurflugvelli þessa dagana.

Sem fyrr segir þá flýgur Lufthansa frá Frankfurt til Íslands allt árið um kring og á sumrin bætast við ferðir frá Munchen. Árið 2018 fjölgaði farþegum félagsins á Keflavíkurflugvelli um 22 prósent líkt og Túristi greindi frá á þeim tíma.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …