Samfélagsmiðlar

Steinn Logi býður sig fram í stjórn Icelandair Group

Að minnsta kosti sex einstaklingar verða í framboði til fimm manna stjórnar Icelandair á aðalfundi félagsins sem fram fer í byrjun mars.

Steinn Logi Björnsson, fyrrum framkvæmdastjóri sölu- og markaðssviðs Icelandair, ætlar að gefa kost á sér í stjórn Icelandair Group. Þar með hafa hluthafar Icelandair fleiri valkosti en þau fimm sem mynda stjórn félagsins í dag.

Tilnefndinganefnd Icelandair lagði nefnilega til í gær að stjórnin verði endurkjörin í heild sinni á aðalfundi flugfélagsins sem fram fer eftir mánuð.

Steinn Logi hefur nærri þrjátíu ára reynslu af störfum í fluggeiranum og þar af starfaði hann hjá Icelandair í tuttugu ár. Bæði sem framkvæmdastjóri en líka yfirmaður félagsins í Norður-Ameríku. Nú síðast var hann forstjóri Bláfugls og jafnframt eigandi helmingshlutar í fraktflugfélaginu.

Aðspurður um hvatann að framboðinu þá segist Steinn Logi hafa miklar taugar til Icelandair og bendir á að hann átti drjúgan þátt í að leggja grunninn að því flugfélagi sem Icelandair er í dag. Sérstaklega leiðakerfinu sem er hjartað í fyrirtækinu að hans mati.

„Mér hefur þótt vanta upp á tengingu við sögu félagsins og þann grunn sem starfsemin byggir í raun á. Af þeim sökum voru gerð mistök sem viðurkennd hafa verið. Ég vil leggja mitt lóð á vogarskálarnar til rétta af reksturinn á ný og efla leiðakerfið til lengri tíma. Ég tel framtíð Icelandair vera bjarta ef rétt er að málum staðið og vil taka þátt í uppbyggingunni,” segir Steinn Logi í svari til Túrista.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …