Samfélagsmiðlar

Svona er niðurskurðurinn hjá Icelandair í næsta mánuði

Frá flugvellinum í Kaupmannahöfn en þangað stefnir Icelandair á að fljúga einu sinni á dag í mars.

Fyrstu þrjár vikurnar í mars gerir Icelandair ráð fyrir áætlunarflugi til sjö borga samkvæmt uppfærðri flugáætlun. Það er viðbót um þrjá áfangastaði frá því sem nú er.

Til samanburðar fóru þotur flugfélagsins til 29 borga í mars 2019.

Samdrátturinn í fjölda ferða er mismunandi eftir þessum sjö áfangastöðum í mars og þannig fækkar ferðunum til Kaupmannahafnar hlutfallslega minnst eins og sjá má á súluritinu.

Til dönsku höfuðborgarinnar er nefnilega áætlunin að fljúga daglega í næsta mánuði en á sama tíma árið 2019 voru ferðirnar að jafnaði tvær á dag. Þó ber að hafa í huga að nú í febrúar var ætlun Icelandair að fljúga einu sinni á dag til Kastrup en það hefur ekki gengið eftir.

Í mars 2019 flugu þotur Icelandair líka tvisvar á dag til Heathrow en núna eru aðeins tvær ferðir í viku á dagskrá.

Sem fyrr segir þá tekur Icelandair upp þráðinn í flugi til þriggja borga um næstu mánaðamót, þ.e. til Parísar, Stokkhólms og Frankfurt.

Fyrstu þrjár vikurnar í mars 2019 fóru þotur Icelandair í samtals 559 áætlunarflug en að þessu sinni er gert ráð fyrir 52 brottförum frá Keflavíkurflugvelli. Niðurskurðurinn nemur 91 prósenti í heildina.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …