Samfélagsmiðlar

Salan á Iceland Travel: Tilboð frá þessum fjórum komust áfram

Tilkynnt var í ársbyrjun að hefja ætti söluferli á Iceland Travel. Þetta er í annað sinn á jafn mörgum árum sem gerð er tilraun til að selja ferðaskrifstofuna út úr Icelandair samsteypunni. Áður hafði verið unnið að sameiningu Iceland Travel og Gray Line.

Frestur til að senda inn tilboð í ferðaskrifstofuna rann út þann 2. mars sl. og munu tíu tilboð hafa borist. Af þeim voru fjögur valin til að fara í seinni umferð.

Samkvæmt heimildum Túrista er þar um að ræða tilboð frá Kynnisferðum og hins vegar Nordic Visitor. Auk þess komst boð á vegum hóps ferðaþjónustufyrirtækja, þar á meðal Keahótelanna, áfram. Það sama gerði tilboð sem fjárfestingasjóðurinn Alfa framtak lagði fram

Þessir aðilar fá nú aðgang að öllum gögnum Iceland Travel og það gæti orðið tímafrekt ferli. Pressan á seljandanum er líka töluvert meiri en á tilboðsgjöfunum að mati viðmælenda Túrista. Bæði vegna ástandsins sem ríkir í ferðaþjónustunni og eins þeirrar staðreyndar að Alþingi setti það skilyrði fyrir ríkisláni til Icelandair Group að féð yrði aðeins nýtt í flugrekstur samsteypunnar. Ef Icelandair þarf að draga á lánalínuna þá gæti það flækt málin að vera með Iceland Travel innanborðs.

Velta ferðaskrifstofunnar lækkaði um fjörtutíu prósent milli áranna 2017 og 2019 og skýringin á því liggur meðal annars í „gjaldþroti stórs íslensks flugfélags“ samkvæmt því sem segir í fjárfestakynningu. Wow Air er þó ekki nefnt á nafn en ljóst af þessu að dótturfélag Icelandair samsteypunnar naut góðs af umsvifum flugfélags Skúla Mogensen.

Rekstrarhagnaður Iceland Travel var hins vegar mun meiri árið 2019 en árið 2017.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …