Samfélagsmiðlar

Þær fimm þjóðir sem hafa bókað flestar gistingar á Íslandi í sumar

Þó færri pantanir séu í pípunum í dag en voru fyrir heimsfaraldur þá er fólk byrjað að bóka lengra fram í tímann.

Það er margt óljóst varðandi næstu sumarvertíð í ferðageiranum.

Þetta sýna tölur Booking.com en sérfræðingar þessarar vinsælu bókunarsíðu hafa tekið saman fyrir Túrista lista yfir þær fimm þjóðir sem hafa tekið frá flestar gistingar á Íslandi í júní, júlí og ágúst í ár.

Þjóðverjar

Á listanum eru Þjóðverjar í fyrsta sæti en þeir hafa lengi verið fjölmennastir í hópi ferðamanna hér á landi yfir sumarmánuðina þegar Bandaríkjamenn eru frátaldir. Og til marks um mögulegan ferðamannastraum frá Þýskalandi í sumar þá setti Eurowings nýverið í sölu flug til Keflavíkurflugvallar frá bæði Dusseldorf og Hamborg.

Ítalir

Næst flestar gistinætur á íslenskum gististöðum í sumar eru bókaðar á ítalska gesti. Það er vísbending um að fjöldi Ítala muni, líkt og í fyrra, setja stefnuna á Ísland í sumar. Í lok þess síðasta komu hingað fjöldamargir ítalskir ferðamenn þrátt fyrir að Icelandair hafi fellt niður allar ferðir til landsins. Þar hefur líklega vegið þungt að Wizz Air tók við keflinu í flugi frá Mílanó.

Frakkar

Frakkar eru í þriðja sæti á lista Booking.com yfir þær þjóðir sem eiga flestar gistingar bókaðar á Íslandi yfir sumarmánuðina þrjá. Sumarið 2019 komu hingað 39 þúsund franskir ferðamenn eða tvöfalt fleiri en þeir ítölsku.

Bandaríkjamenn

Ennþá er óljóst hvenær ferðalög milli Norður-Ameríku og Evrópu komast í lag á ný. Bandaríkjamenn eru engu að síður með fjölda gistinga bókaðar hér á landi næsta sumar og því í fjórða sæti á lista Booking.com. Sumarið 2019 var fjórði hver ferðamaður á Íslandi bandarískur og hlutfallið var ennþá hærra árið áður þegar Icelandair og WOW air voru í mikilli útrás vestanhafs.

Bretar

Bretar eru svo í fimmta sætinu á þessum topplista sem Booking.com tók saman fyrir Túrista. Bretar fjölmenna helst til Íslands yfir vetrarmánuðina og til marks um það flugu 34 þúsund breskir ferðamenn frá Íslandi í mars 2019. Allt sumarið 2019 voru þeir hins vegar 33 þúsund.

Ekki fást upplýsingar hjá Booking.com um hversu margar gistinætur hver þjóð hefur bókað eða hvert hlutfallið er miðað við sama tíma árið 2019.

Hafa ber í huga að ferðamenn geta í flestum tilfellum afbókað gistingu með stuttum fyrirvara en samt fengið fulla endurgreiðslu. Það á reynda orðið við á fleiri sviðum ferðaþjónustunnar, til að mynda í flugi.

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …