Bandaríska flugfélagið Delta hefur frá árinu 2011 flogið til Íslands frá New York. Nokkrum árum síðar hóf félagið að fljúga hingað frá Minneapolis og í sumar bætast við daglegar brottfarir frá Boston. Í heildina gerir félagið ráð fyrir sextíu prósent meira framboði á sætum til Íslands næstu mánuði í samanburði við sumarið í hittifyrra.
En er von á meiru og hvernig lítur veturinn út? Túristi lagði þessar spurningar og fleiri fyrir Amy Martin, framkvæmdastjóra alþjóðlegs leiðakerfis Delta.
Hvernig hefur viðtökurnar verið hjá við ferðum Delta til Íslands í sumar?
„Heilt yfir þá sjáum við fjölda jákvæðra teikna um aukna eftirspurn eftir ferðalögum í sumar, þar á meðal bókanir sem gerðar eru með meira en sextíu daga fyrirvara. Í takt við framgang bólusetninga þá er sífellt stærri hópur fólks að endurheimta fyrra líf og í huga margra eru ferðalög stór hluti af því. Við erum reiðubúin til að gera fólki kleift að upplifa á nýjan leik og Ísland hefur upp á margt að bjóða fyrir ferðafólk sem er í leit að fallegum áfangastað þar sem hægt er að njóta útiveru.“
Sérðu tækifæri í að bæta við ferðum til Íslands í sumar og þá frá fleiri bandarískum borgum?
„Við munum bæta við í takt við aukna eftirspurn, það hefur verið okkar nálgun í heimsfaraldrinum.“
Aðeins þeir sem hafa verið bólusettir geta ferðast til Íslands án þess að þurfa í sóttkví. Endurspeglast það í þeim bókunum sem eru komnar?
„Við áttum allt von á meiri eftirspurn frá almennum farþegum á leið í frí nú í sumar og það á líka við um flugið okkar til Íslands. Við munum tryggja að viðskiptavinir okkar séu meðvitaðir um þeir kröfur sem gerðar eru á hverjum áfangastað, til dæmis hvað varðar bólusetningar, sóttkví, skimanir o.s.frv. Af þeim sökum höfum við hannað stafrænan ferðaskipuleggjara sem eyðir óvissunni í kringum ferðalögin og gerir fólki auðveldara að skipuleggja ferðir.“
Hafið þið ákveðið hvort Ísland verði hluti af áætlun Delta næsta vetur?
„Það er of snemmt að setja til um það en við munum fylgjast með eftirspurninni og aðlaga áætlun okkar að henni.“
Líkt og fram kom í nýlegri samantekt Túrista þá eru á boðstólum rúmlega 22 þúsund flugsæti frá Bandaríkjunum til Íslands í sumar. Af þeim er Delta með um 8 þúsund sæti og Icelandair um 14 þúsund.
.
