Samfélagsmiðlar

36 flugmenn endurráðnir fyrir helgi

Fjöldi flugmanna hjá Icelandair nú í sumarbyrjun gefur vísbendingu um að umsvif félagsins verði töluvert minni en lagt var upp með.

Þegar áætlun Icelandair fyrir komandi sumar var fyrst kynnt þá var gert ráð fyrir að heildarsætaframboð yrði um 25 til 30 prósent minna en sumarið 2019. Það sumar störfuðu 562 flugmenn hjá félaginu og miðað við boðuð umsvif hefði sá hópur þurft að telja hátt í fjögur hundruð flugmenn að þessu sinni.

Núna er 221 flugmaður á launaskrá flugfélagsins. Þar eru meðtaldir þeir 36 flugmenn sem endurráðnir voru í gær samkvæmt upplýsingum frá Icelandair. Ekki voru fleiri flugfreyjur eða flugþjónar kallaðir til starfa að þessu sinni en nýverið voru 104 ráðnir í þau störf.

Eins og gefur að skilja þá er fjöldi flugmanna góð vísbending um komandi framboð á flugferðum. En líkt og Túristi benti nýverið á þá gerir uppfærð áætlun Icelandair fyrir júní ráð fyrir rétt um fjórðungi af þeim fjölda ferða sem var á boðstólum í júní 2019 eða rétt um þrettán brottförum á dag að jafnaði.

Miðað við stærð flugmannahópsins núna þá gæti sú tala hækkað upp í rétt rúmlega tuttugu brottfarir á degi hverjum þegar líður á sumarið.

Til samanburðar þá flugu þotur Icelandair daglega 55 ferðir að meðaltali frá Keflavíkurflugvelli í júlí 2019 samkvæmt talningu Túrista. Umsvifin að þessu sinni verða þá rétt um 40 prósent af því sem var miðað við stöðuna í dag.

Stjórnendur Icelandair eru síður en svo þeir einu í fluggeiranum sem hafa þurft að draga úr væntingum fyrir komandi sumar. Skýringin er sú að ferðatakmarkanir eru ennþá almennar víða um heim og ekki liggur fyrir hvenær bandarísk og kanadísk stjórnvöld opna sín lönd fyrir ferðamönnum.

Það auðveldar heldur ekki skipulagninguna að nú bókar fólk með stuttum fyrirvara. Á þetta bentu forráðamenn SAS á fyrr í vikunni þegar félagið upplýsti að nú yrði dregið á 45 milljarða króna lánalínu frá dönskum og sænskum stjórnvöldum.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …