Samfélagsmiðlar

Gætu skilgreint sérstaka markaði innan greinarinnar í öðrum samrunum

Sameining Kynnisferða og Eldeyjar fékk grænt ljós í gær. Forstjóri SKE segir erfitt að ráða í fordæmisáhrif ákvörðunarinnar. Tveir stórir samrunar ferðaþjónustufyrirtækja eru á borði eftirlitsins.

Samkeppniseftirlitið gaf í gær samþykki sitt fyrir samruna Kynnisferða og hluta þeirra fyrirtækja sem fjárfestingasjóðurinn Eldey er meðeigandi í. Sjóðurinn, sem er í vörslu Íslandssjóða, hefur verið rekinn með tapi allt frá stofnun árið 2015.

Í úrskurði Samkeppniseftirlitsins segir að sameiningin feli í sér óverulega skörun á markaði fyrir skipulagðar ferðir innanlands þar sem samrunaaðilar starfi að meginstefnu á ólíkum sviðum.

Á borði Samkeppniseftirlitsins eru í dag tveir stórir samrunar á sviði ferðaþjónustu. Annars vega kaup Ferðaskrifstofu Íslands á Heimsferðum og hins vegar kaup Nordic Visitor á Iceland Travel.

Spurður um mögulegt fordæmisgildi úrskurðar gærdagsins, fyrir aðra sameiningar í greininni, þá bendir Páll Gunnar Pálsson, forstjóri Samkeppniseftirlitsins, á að horfa þurfi til ólíkra þátta og markaða.

„Eins og ákvörðunin ber með sér réðist niðurstaða málsins á fjölþættu mati þar sem litið var til markaðshlutdeildar á viðkomandi mörkuðum, skörunar milli samrunaaðila og mögulegra samsteypuáhrifa, þ.á m. hvort viðkomandi hópur fyrirtækja geti hindrað samkeppni með því að tengja saman viðskipti sín.

Af þessu má ráða að erfitt er að ráða í fordæmisáhrif ákvörðunarinnar, enda eru ferðaþjónustumarkaðir fjölbreyttir og aðstæður mismunandi í hverju máli. Þannig kann til dæmis að vera ástæða til þess í öðrum málum að skilgreina sérstaka markaði fyrir einstakar greinar innan ferðaþjónustunnar.

Almennt má gera ráð fyrir því að stórir samrunar á ferðaþjónustumörkuðum fái ítarlega skoðun af hálfu Samkeppniseftirlitsins, enda hafa samkeppnisaðstæður í ferðaþjónustunni eðli máls samkvæmt áhrif á samkeppnishæfni íslensks efnahagslífs,“ segir Páll Gunnar í skriflegu svari til Túrista.

Helstu hluthafar í Eldey eru íslenskir lífeyrissjóðir á meðan Alfa hf., í eigu bræðranna Einars Sveinssonar og Benedikts Sveinssonar, fer með 65 prósent hlut í Kynnisferðum. Meðeigandi þeirra er framtakssjóðurinn SÍA III en hann er að mestu í eigu lífeyrissjóða. Eigendur Eldeyjar fá 27,5 prósent hlut í sameinuðu félagi sem er nokkru minna en lagt var upp með í upphafi.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …