Samfélagsmiðlar

Hluthafar Eldeyjar fá enn minni hlut

Eignahlutföllin í samruna Kynnisferða og Eldeyjar hafa tekið breytingum að undanförnu. Sameiningin er ennþá til skoðunar hjá Samkeppniseftirlitinu en eitt af fyrirtækjum Eldeyjar hefur flutt heimilisfang sitt í húsnæði Kynnisferða.

Fjárfestingasjóðurinn Eldey hefur frá árinu 2015 fjár­fest í fyrir­tækj­um sem sérhæfa sig í afþreyingu fyrir ferðamenn. Sjóðurinn var rekinn með tapi á árunum fyrir Covid-19 en í vor var undirritað samkomulag um sameiningu Kynnisferða og hluta af eignasafni Eldeyjar.

Stærstu eigendur Eldeyjar eru lífeyrissjóðir og þeirra stærstur er Birta með um fjórðungs hlut. Í stjórn sjóðsins situr meðal annars forstjóri Isavia og stjórnarformaður Íslandsstofu.

Í tengslum við samrunann við Kynnisferðir var hlutafé í Eldeyju aukið um um hálfan milljarð króna. Upphaflega var ætlunin að kalla eftir þeirri hlutafjáraukningu sem samþykkt var á aðalfundi Eldeyjar í apríl 2019 eða um 2,3 milljörðum króna. Þá stóð líka til að eignarhlutar Eldeyjar í Saga Travel og Norðursiglingu yrðu hluti af sameinuðu félagi. Ekkert varð úr því þar sem Saga Travel fór í þrot og áfram var unnið var að fjárhagslegri endurskipulagningu Norðursiglingar.

Fá minna en þriðjung í nýja félaginu

Eftir þessar breytingar fór eignarhlutur Eldeyjar, í sameinuðu félagi, í 35 prósent. Síðastliðið vor hafði hluthöfum Eldeyjar aftur á móti verið kynnt að þeir fengju 51,4 prósent í sameinuðu félagi en forsenda fyrir því var að hlutfé sjóðsins yrði aukið um fyrrnefnda 2,3 milljarða króna.

Og núna er eignarhlutur Eldeyjar kominn ennþá neðar eða í 27,5 prósent. Lífeyrissjóðurinn Birta og meðeigendur Eldeyjar, í tveimur ferðaþjónustufyrirtækjum, skipta svo með sér 4,65 prósent hlut til viðbótar. Þetta kemur fram í umsagnarbeiðni sem Samkeppniseftirlitið hefur sent á ýmis ferðaþjónustufyrirtæki og Túristi hefur séð.

Þar með fá hluthafar Kynnisferða 67,85 prósent hlut í nýju sameiginlegu fyrirtæki í stað 65 prósenta.

Íslenskir fjallaleiðsögumenn fluttir í Klettagarða

Samruni Kynnisferða og Eldeyjar er ennþá til umfjöllunar hjá Samkeppniseftirlitinu en þrátt fyrir það hefur Arcanum – Íslenskir fjallaleiðsögmenn, eitt fyrirtækjanna sem tilheyra Eldey, flutt heimilisfang sitt að Klettagörðum 12 en þar eru Kynnisferðir eru til húsa. Samkvæmt svari frá Íslandssjóðum er um að ræða hefðbundinn húsaleigusamning.

Líkt og Túristi fjallaði um nýverið eru ekki allir hluthafar Eldeyjar tilbúnir til að samþykkja fyrirhugaðan samruna.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …