Samfélagsmiðlar

Sumarfargjöldin lækkað í 9 af hverjum 10 tilvikum

Icelandair hefur fellt niður stóran hluta af ferðum sínum í júní. Og farmiðaverðið í júlí og ágúst hefur lækkað samkvæmt könnunum Túrista.

Farþegum Icelandair er vanalega skipt í þrjá hópa; Íslendinga á leið til útlanda, erlenda ferðamenn og svo þá sem millilenda á Keflavíkurflugvelli á leið sinni milli Norður-Ameríku og Evrópu. Síðastnefndi hópurinn hefur vanalega verið sá fjölmennasti hjá flugfélaginu.

Ennþá eru Bandaríkin og Kanada lokuð fyrir ferðamönnum og einnig eru takmarkanir á ferðum inn fyrir evrópsk landamæri. Þessar ferðahömlur endurspeglast í þróun fargjalda Icelandair á milli helstu áfangastaða félagsins í Evrópu og Norður-Ameríku nú í sumar. Þau hafa nefnilega lækkað í níu af tíu tilvikum.

Þetta sýnir samanburður á verðkönnunum sem Túristi gerði þann 24. febrúar sl. og aftur í dag. Þar voru skoðuð fargjöld á fimm flugleiðum á tveimur mislöngum tímabilum í júlí og ágúst.

Lækkunin er ekki mikil eins og sjá má hér fyrir neðan en hafa verður í huga að í eðlilegu árferði hefðu fargjöldin fyrir komandi sumar hækkað umtalsvert síðustu þrjá mánuði.

Þess ber að geta að í könnun Túrista í febrúar voru líka skoðuð fargjöld hjá Icelandair í júní. Nú hefur flugfélagið hins vegar fellt niður stóran hluta af áætlun sinni í júní og þar á meðal þær ferðir sem Túristi skoðaði í könnuninni í febrúar.

Það er þó ekki bara Icelandair sem hefur fækkað ferðum og lækkað fargjöldin. Því samkvæmt athugun Túrista hefur verð á beinu flugi, milli ofangreindra stórborga, líka lækkað. Í sjö af tíu tilvikum eru þess háttar miðar ódýrari í dag en þeir voru í febrúar.

En eins og komið hefur fram í máli forsvarsfólks Icelandair þá er félagið verðtaki á markaðnum. Lækkun á beinu flugi setur nefnilega pressu á fargjöld flugfélaga sem gera út á tengiflug og þeim flokki tilheyrir Icelandair.

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …