Samfélagsmiðlar

Skortur á bílaleigubílum skrifast ekki aðeins á aukna eftirspurn ferðamanna

Steingrímur Birgisson, framkvæmdastjóri Bílaleigu Akureyrar/Europcar, segir ekkert að því að verið með „uppselt" í smá tíma. Það sé nefnilega mjög dýrt og óhagkvæmt að geta sagt já við öllum fyrirspurnum með nánast engum fyrirvara.

Leiguverð á bílaleigubílum fyrir sumarið hefur hækkað verulega síðustu mánuði líkt og reglulegar verðkannanir Túrista hafa sýnt. Og hjá tveimur af stærstu bílaleigum landsins eru ekki fleiri bílar á lausu nú í byrjun ágúst.

Það er til að mynda tilfellið hjá Europcar-Bílaleigu Akureyrar fyrstu vikuna í ágúst líkt og fjallað var um hér á síðunni á sunnudaginn.

„Við erum sem stendur með lokað á fleiri bókanir vegna þess að við erum fullbókuð,“ segir Steingrímur Birgisson, framkvæmdastjóri bílaleigunnar, spurður um stöðu mála. Hann segir þó að skýringin liggi ekki bara í mikilli eftirspurn.

Lengri bið eftir nýjum bílum

„Það eru miklar tafir á afhendingum nýrra bíla frá framleiðendum vegna skorts á tölvukubbum sem eru notaðir í framleiðsluna, svokölluðum hálfleiðurum. Við eigum ennþá eftir að fá rúmlega þrjátíu prósent af bílunum okkar afhenta. Þessa stöðu má rekja til heimsfaraldursins þar sem eftirspurn eftir hálfleiðurum hefur aukist frá öðrum geirum. Þessu til viðbótar má segja að hin mikla eftirspurn, sem nú er í gangi, hafi komið fyrr en bjartsýnustu menn þorðu að vona og í raun með engum fyrirvara. Það var því erfitt að bregðast við henni á stuttum tíma,“ útskýrir Steingrímur.

Ekkert hægt að gera í stöðunni

Hann bætir því við að það sé ekkert að því að vera með „uppselt“ í smá tíma enda sé mjög dýrt og óhagkvæmt að geta sagt já við öllum fyrirspurnum sem koma jafnvel með nánast engum fyrirvara.

„Við viljum auðvitað geta uppfyllt þarfir sem flestra og það er slæmt að geta ekki tekið fleiri bókanir. En á meðan við fáum ekki fleiri bíla þá er ekkert hægt að gera í stöðunni,“ segir Steingrímur.

Betra en að bílarnir standi óhreyfðir

Hjá bílaleigu Kynnisferða, Enterprise, er staðan sú sama. Engir bílar á lausu nú í byrjun ágúst og Björn Ragnarsson, framkvæmdastjóri Kynnisferða, játar að það sé vissulega slæmt að vera uppseldur. Hann segir það þó betra en að hafa nánast alla bílana standandi eins og staðan hefur verið síðasta árið.

Hjá Enterprise, líkt og hjá Europcar, er skýringuna á stöðuna þó ekki aðeins að finna í eftirspurn frá ferðamönnum. Bílafloti Enterprise hafi minnkað frá því sem var fyrir heimsfaraldur og svo hafi framleiðsla á nýjum bílum tafist líkt og fram kom hér að ofan.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …