Samfélagsmiðlar

10 erlend flugfélög með Íslandsflug á dagskrá í vetur

Í vetur verður í fyrsta sinn í boði áætlunarflug milli Íslands og ítölsku borgarinnar Napolí.

Það eru átján flugfélög sem nú í sumar hafa boðið upp á áætlunarflug til Keflavíkurflugvallar. Tæpur helmingur þeirra gerir hins vegar hlé á ferðunum frá og með haustinu.

Það á til að mynda við bandarísku flugfélögin Delta og United en það fyrrnefnda tók nýverið úr sölu áætlunarflug sitt hingað til lands frá New York í vetur. Spænska flugfélagið Vueling gerir heldur ekki ráð fyrir vetrarflugi til Íslands að þessu sinni.

Aftur á móti munu tíu erlend flugfélög bjóða upp á áætlunarflug til Íslands yfir veturinn eins og staðan er í dag. Af þeim verður Wizz Air umsvifamest með reglulegar ferðir hingað frá þrettán evrópskum borgum eins og sjá má á töflunni.

EasyJet sem lengi hefur verið stórtækt í flugi til Íslands yfir vetrarmánuðina dregur hins vegar nokkuð úr líkt og Túristi hefur áður greint frá.

Áður en Covid-19 heimsfaraldurinn setti allt úr skorðum í ársbyrjun 2020 þá voru erlendu flugfélögin á Keflavíkurflugvelli tólf talsins.

Til viðbótar við áætlunarflugið í vetur þá bjóða erlendar ferðaskrifstofur upp á ferðir til Íslands. Það á til að mynda við um Tui og Jet2 í Bretlandi.

Auk þess mun ítalska flugfélagið Neos fljúga vikulega til Alicante, Tenerife og Las Palmas frá Keflavíkurflugvelli í vetur fyrir Heimsferðir, Plúsferðir, Sumarferðir og Úrval-Útsýn.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …