Samfélagsmiðlar

Segir Íslendinga hafa slegið utanlandsferðum á frest

Farþegum Play í júlí fækkaði þegar leið á mánuðinn.

„Síðan kemur þessi nýja bylgja um miðjan mánuð og Íslendingar seinkuðu mikið af brottförum seinnipart júlí enda eru skilmálarnir settir upp til að leyfa það," segir Birgir Jónsson, forstjóri Play.

Play flutti 9.899 farþega í júlí en þetta var fyrsti heili mánuðurinn í starfsemi félagsins. Sætaframboðið félagsins nam hins vegar nærri tuttugu og fimm þúsund sætum samkvæmt talningu Túrista.

Og í byrjun júlí hafði Play selt um helming allra sæta sem í boði í þeim mánuði líkt og fram kom í viðtali Morgunblaðsins við Birgi Jónsson forstjóra Play þann 1. júlí sl.

Miðað við þau orð forstjórans þá hafa í byrjun mánaðar verið bókaðir töluvert fleiri en þeir tíu þúsund farþegar sem enduðu með að nýta sér ferðir félagsins í júlí. Og þá má áætla að ekki hafi margir farmiðar selst í júlí fyrir ferðir í þeim mánuði.

Sala til Íslendinga ekki öflug seinni hluta mánaðar

Beðinn um skýringar á þessari öfugu þróun mála þá segir Birgir, í svari til Túrista, að í lok júní hafi salan inn á sumarið verið mjög sterk og það hafi sannarlega litið vel út.

„Síðan kemur þessi nýja bylgja um miðjan mánuð og Íslendingar seinkuðu mikið af brottförum seinnipart júlí enda eru skilmálarnir settir upp til að leyfa það. Að sama skapi var salan til Íslendinga ekki mjög öflug seinni hluta júlí, fyrir ferðir innan mánaðarins, vegna óvissu í tengslum við Covid,“ segir Birgir.

Forstjórinn vísar jafnframt til þess að í tengslum við hlutafjárútboð Play hafi hann sagt að væntingar til sætanýtingar væru mjög hóflegar fyrstu mánuðina. Til að mynda verið horft til helmings nýtingar í júlí.  

„Þetta endar í um 42 prósent nýtingu sem er ekki langt frà því sem ég sagði nokkrum vikum áður,“ útskýri Birgir og bendir á að framboðið hjá Play hafi verið lítið og því þurfi lítið til að sveifla hlutföllunum.

Bókanir taka við sér á ný

Sem fyrr segir þá seinkaði fjöldi farþega Play ferðum sínum í júlí og segir Birgir mikilvægt að hafa í huga að tekjurnar af þeim og hverfi ekki heldur færist bara til í tíma.

„Svona er þessi markaður þessa dagana. Þetta er ekkert sem við bjuggumst ekki við eða erum ekki tilbúin í þó vissulega væri betra ef faraldurinn væri alveg að baki. Salan hefur ekki kólnað mikið inn á síðsumarið og haustið. Svo erum við að sjá landann lifna við núna þegar jafnvægi er að komast á Covid umræðuna og áhrif litakóðunarinnar eru ekki mikil,“ segir Birgir.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …