Samfélagsmiðlar

Opin fyrir því að selja ótengdum ferðaskrifstofum vildarpunkta

Viðskiptavinir Vita geta lækkað verð pakkaferða um allt að 60 þúsund krónur með notkun vildarpunkta Icelandair. Forstjóri Icelandair Group er jafnframt stjórnarformaður Vita.

Icelandair og Vita hafa bætt við fjölda ferða til Spánar næstu vikur og mánuði á sama tíma keppinautar systurfélaganna tveggja halda í óbreytta dagskrá.

Skýringin á aukinni eftirspurn hjá Icelandair og Vita liggur að miklu leyti í notkun vildarpunkta að mati Þórunnar Reynisdóttur, forstjóra Úrval-Útsýn. Hér á síðum Túrista sagði hún það galið að Icelandair niðurgreiddi ferðir Vita með þessum hætti.

Vísaði Þórunn m.a. til þess að viðskiptavinum Vita býðst nú að nota margfalt fleiri punkta en áður sem greiðslu á pakkaferðum.

Ásdís Pétursdóttir, upplýsingafulltrúi Icelandair, hafnar því að um niðurgreiðslur á pakkaferðum sé að ræða. Hún segir að öll þau fyrirtæki sem Icelandair hefur samið við um nýtingu vildarpunkta greiði fyrir þá.

Í dag er Vita eina ferðaskrifstofan sem tekur við vildarpunktum en fleirum stendur það til boða.

„Við höfum átt í viðræðum við ferðaskrifstofur í tengslum við mögulegt samstarf varðandi söfnun og nýtingu punkta í gegnum tíðina en Vita er sem stendur eini aðilinn sem innleitt hefur Vildarpunka fyrir sína viðskiptavini í samstarfi við okkur,“ segir Ásdís.

Spurð hvort þær ferðaskrifstofur geti gengið að sömu kjörum og systurfélagið Vita fær þá segir Ásdís að verðgildi vildarpunktanna sé í takt við umfang og útfærslu hvers samnings fyrir sig.

Tengsl Icelandair og Vita eru ekki aðeins sterk í gegnum eignarhaldið heldur líka stjórnun. Þannig er Bogi Nils Bogason, forstjóri Icelandair Group, einnig stjórnarformaður Vita. Með honum í stjórn ferðaskrifstofunnar sitja tveir af framkvæmdastjórum samsteypunnar.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …