Samfélagsmiðlar

Hafa selt flestar Max þoturnar

Icelandair gekk í gær frá sölu á tveimur af þeim þremur Max þotum sem von er á um áramótin. Þegar félagið festi kaup á sextán þess háttar flugvélum fyrir átta árum síðan þá var stefnan að meirihluti þeirra yrði í eigu flugfélagsins.

Ekkert varð af þeim áformum því strax árið 2017 seldi fyrirtækið fyrstu fjórar þoturnar til kínverskrar flugvélaleigu sem leigði Icelandair þoturnar tilbaka til níu ára. Þoturnar voru teknar í notkun snemma árs 2019.

Segja má að þessi viðskipti hafi markað ákveðin þáttaskil í rekstri Icelandair. Þannig hafa allar gömlu Boeing 757 þoturnar í flota félagins verið í eigu fyrirtækisins og átján þess háttar flugvélar eru í dag skráðar á Icelandair og þrjár Boeing 767 breiðþotur.

Vilja leigja tvær í viðbót

Aftur á móti á félagið bara þrjár Max þotur eftir viðskipti gærdagsins. Fjármögnunarfyrirtæki hafa í heildina keypt níu af þeim tólf þotum sem verða í flota flugfélagsins frá og með byrjun næsta árs.

Sem fyrr segir þá gerði upphaflegi samningurinn við Boeing ráð fyrir að Icelandair myndi kaupa sextán eintök af Max þotum. Í tengslum við fjárhagslega endurskipulagningu félagsins síðastliðið haust þá náðist samkomulag við bandaríska flugvélaframleiðandann um að afbóka fjögur eintök.

Núna horfa reyndar stjórnendur Icelandair til þess að leigja tvær Max þotur í viðbót enda hefur reynslan sýnt að drægni þotanna er meiri en reiknað var með þegar kaupin voru innsigluð fyrir átta árum síðan.

Algengt fyrirkomulag

Icelandair er ekki eina flugfélagið sem hefur farið þá leið að fjármagna reksturinn með því að selja og endurleigja flugvélar. Það gerði Wow Air til að mynda alla tíð og fjöldi stórra flugfélaga stundar þess háttar viðskipti. Nú í vikunni seldi til Finnair fjórar af Airbus A350 breiðþotum sínum en leigði þær svo tilbaka. Um helmingur þeirra þota sem SAS hefur í flota sínum eru í eigu flugvélaleiga en þess háttar fyrirtæki eru orðin álíka umsvifamikil í kaupum á flugvélum og flugfélögin sjálf. Viðskiptamódel Play gengur einmitt út á að félagið leigi flugvélar í stað þess að kaupa.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …