Samfélagsmiðlar

Play aldrei verið verðmætara

Gengi hlutabréfa í Play hefur hækkað um nærri fjórðung í vikunni og er í dag 26 krónur á hvern hlut. Þar með er markaðsvirði félagsins komið upp í 18,2 milljarða króna og hafa fjárfestar ekki áður metið félagið jafn verðmætt.

Í lokuðu hlutafjárútboði Play í vor var hver hlutur seldur á 15,75 krónur og þar fékk félagið inn um sex milljarða króna í hlutafé. Fjórir milljarðar bættust við í almennu hlutafjárútboði í sumarbyrjun en þá var gengi bréfanna á bilinu 18 til 20 krónur á hlut.

Miðað við hlutabréfaverðið í dag þá hafa þeir sem tóku þátt í fyrrnefndum útboðum ávaxtað sitt fé um 30 til 65 prósent að því gefnu að þeir selja bréf sín á því verði sem býðst í dag.

Lengi framan af var velta meða hlutabréf Play lítil en á því hefur orðið breyting nú í vikunni. Þannig hefur um 8 prósent af öllu hlutafé í félaginu skipt um hendur síðan í byrjun vikunnar.

Verðmæti Icelandair Group hefur einnig hækkað síðustu daga en þó hlutfallslega mun minna en Play. Í dag er markaðsvirði Icelandair Group 54,8 milljarða króna sem er hækkun um rúm fjögur prósent frá því á mánudagsmorgun þegar Kauphöllin opnaði.

Í næstu viku munu flugfélögin tvö birta upplýsingar um farþegafjölda og sætanýtingu í september. Í ágúst var sætanýtinging 46,4 prósent hjá Play en forsvarsfólk félagsins hefur gefið út að útlit sé fyrir að nýtingin í september verði hærri. Í því samhengi má þó rifja upp að félagið fækkaði flugferðum í mánuðinum.

Sætanýtingin hjá Icelandair í ágúst var 71,7 prósent.

—–

90 daga áskrift á 900 krónur
Stór hluti af greinum Túrista er aðeins fyrir áskrifendur. Þú færð fullan aðgang í 90 daga fyrir aðeins 900 kr. með því að nota afsláttarkóðann „900“ þegar þú pantar áskrift hér. Að þeim tíma loknum er greitt fullt mánaðargjald (2.650 kr.) en alltaf hægt að segja áskriftinni upp.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …