Samfélagsmiðlar

Tjá sig ekki um líkurnar á meiri taprekstri

Það stefnir í að tekjur Play í ár verði lægri en lagt var upp með í kynningu á hlutafjárútboði félagsins í sumar. Ástæðan er sú að farþegar félagsins hafa verið þónokkuð færri en reiknað var með. Félagið þyrfti til að mynda að fljúga með fullar þotur til áramóta ef markmiðið væri ennþá að flytja 143 þúsund farþega í ár. Það er hins vegar ekki lengur horft til þeirrar tölu.

Það myndi þó ekki duga eitt og sér að fljúga með fullfermi. Hver og einn farþegi yrði að borga að jafnaði um 44 þúsund krónur fyrir miða báðar leiðir ef tekjurnar ættu að vera í takt við sviðsmyndina úr fjárfestakynningunni.

Í þessari sviðsmynd er líka gert ráð fyrir rekstrartapi upp á 10 milljónir dollara (1,3 milljarðar kr.) í ár og að tapið verði í heildina 15 milljónir dollara eða 1,9 milljarða kr. miðað við gengi dagsins í dag.

Spurð um hvaða áhrif lægri tekjur hafa á vænt tap þá segist Nadine Guðrún Yaghi, samskiptastjóri Play, ekki geta svarað því. Vísar hún til þess að Play sé skráð á hlutabréfamarkað. Hún bætir þó við að þar á bæ verði vart við styrkingu í hverjum mánuði.

Von er á uppgjöri Play fyrir þriðja fjórðung ársins í byrjun nóvember og þá fæst betri mynd af rekstrinum en hingað til.

Nýtt efni

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …