Samfélagsmiðlar

Róðurinn áfram þungur hjá SAS

Stærsta flugfélag Skandinavíu gæti þurft að biðja eigendur sína um meira fé áður en veturinn er úti.

Uppgjör skandinavíska flugfélagsins SAS fyrir síðasta reikningsár, nóvember í fyrra til október í ár, liggur fyrir. Niðurstaðan er tap upp á 6,5 milljarða sænska króna fyrir skatt. Upphæðin jafngildir nærri 94 milljörðum íslenskra króna.

Ef aðeins er horft til fjórða og síðasta fjórðungs í uppgjörinu, ágúst til október, þá var tapið um 14 milljarðar kr. Tekjurnar á þessum fjórðungi voru ríflega tvöfalt hærri en á sama tíma í fyrra en 57 prósent lægri en á síðasta fjórðungi 2019.

Það er því langt í land þegar horft er til ástandsins fyrir heimsfaraldur en SAS skilaði hagnaði árin fyrir Covid-19, öfugt við Icelandair.

„Það er ánægjulegt að hin jákvæða þróun frá sumrinu hefur haldið áfram með aukinni eftirspurn og farmiðasölu. Engu að síður var árið 2021 með þeim mest krefjandi í sögu fluggeirans og ennþá er erfitt að spá fyrir um framtíðina. Fyrst og fremst vegna þróunar yfirstandandi heimsfaraldurs,“ segir Anko van der Werff, forstjóri SAS, í tilkynningu sem flugfélagið sendi frá sér í morgun.

Þar ítrekar forstjórinn það sem hann hefur áður sagt að mikilvægt sé að draga úr kostnaði með því að flytja flugreksturinn í dótturfélög, þar á meðal SAS Connect sem skráð er á Írlandi. Sú boðaða breyting hefur valdið mikilli ólgu meðal áhafna SAS sem hafa lagt pressu á skandinavíska ráðamenn að beita sér gegn áætlunum stjórnenda flugfélagsins.

Norska ríkið seldi sinn hlut í SAS árið 2018 og nú fara Danir og Svíar með stærstan hlutinn í flugfélaginu. Ríkissjóðir landanna tveggja lögðu nefnilega SAS til stóran hluta þess fjármagns sem félagið fékk í fyrra með útgáfu nýs hlutafjár og skuldabréfa.

Síðan þá hafa peningarnir streymt úr kassanum og þekktasti greinandinn í málefnum SAS, Jacob Pedersen frá Sydbank, lýsti því yfir í síðustu viku að flugfélagið þyrfti meira fé fyrr en síðar. Benti Pedersen á það yrði mögulegt gert nú í vetur á meðan heimsfaraldurinn væri ennþá í gangi því þá væri líklegra að Evrópusambandið gæfi grænt ljóst að þátttöku danska og sænska ríkisins í fjármögnunni.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …