Samfélagsmiðlar

Fækka ferðunum á ný

Þota Play við flugstöðina í Schiphol í Amterdam

Áður en ómíkrón afbrigði kórónaveirunnar kom til sögunnar þá höfðu stjórnendur Play skorið niður flugáætlun félagsins í janúar og febrúar. Sú breyting kom helst niður á ferðum til London og Berlínar. Nú hefur verið dregið enn frekar úr áformunum eftir áramót.

Ný áætlun Play gerir nefnilega ekki ráð fyrir eins tíðum brottförum til Kaupmannahafnar og Parísar í janúar og verið hefur síðustu mánuði. Til viðbótar hefur ferðunum til London og Berlínar verið fækkað enn frekar því algjört hlé verður gert á flugi til borganna tveggja frá miðjum janúar og fram í byrjun febrúar. Það sama á við um flugið til Amsterdam en Play fór jómfrúarferð sína til hollensku höfuðborgarinnar í byrjun desember.

Með þessum nýju breytingum hefur áætlun Play í janúar verið skorin niður um nærri fimmtung frá því sem var fyrr í vetur samkvæmt talningum Túrista. Ferðunum í febrúar hefur jafnframt verið fækkað.

Sætaframboð Play í janúar nemur í dag rétt rúmlega 27 þúsund sætum og félagið flytur þá um 15 þúsund farþega ef sætanýtingin verður álíka og hún hefur verið síðustu mánuði. Til samanburðar er gert ráð fyrir að félagið fljúgi að jafnaði með 72 þúsund farþega á mánuði á næsta ári samkvæmt þeirri rekstraráætlun sem birt var í tengslum við hlutafjárútboð félagsins í júní síðastliðnum.

Sú áætlun gerði ráð fyrir 143 þúsund farþegum í ár en um síðustu mánaðamót vantaði ennþá sextíu þúsund farþega upp í það markmið.

Play er ekki eina flugfélagið sem hefur skorið niður áætlun sína eftir áramót því hjá Lufthansa Group, stærstu flugfélagasamsteypu Evrópu, verður framboðið í janúar og febrúar dregið saman um 33 þúsund ferðir.

Nú í ár hafa leigugreiðslur á flugvélum Play miðast við notkun og því hefur félagið til að mynda ekki haldið út neinum ferðum á miðvikudögum þegar færri eru á ferðinni. Frá og með áramótum greiðir Play aftur á móti fulla leigu á þotunum þremur sem félagið er með í notkun í dag.


Viltu nánari upplýsingar um framboð á flugi til og frá Íslandi á fyrsta fjórðungi næsta árs? Sendu þá fyrirspurn á [email protected].

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …