Samfélagsmiðlar

Boða Ameríkuflug frá Berlín

Frá og með sumarlokum munu þotur Norse Atlantic fljúga til Bandaríkjanna frá Ósló, London og Berlín.

Boeing Dreamliner þotur Norse Atlantic munu fljúga daglega milli Berlínar og New York.

Þrátt fyrir að vera höfuðborg Þýskalands þá er framboð á flugi frá Berlín til annarra heimsálfa merkilega lítið. Þotur Lufthansa, stærsta flugfélags Þýskalands, fljúga til að mynda eingöngu til Ameríku, Asíu og Afríku frá Frankfurt og Munchen. Svona hefur þetta í raun verið síðan Airberlin varð gjaldþrota fyrir fimm árum síðan

Andri Már Ingólfsson var einn þeirra sem sá tækifæri í þessari stöðu fyrir flugfélagið sitt, Primera Air, og hóf sölu á farmiðum til New York, Boston og Toronto frá Berlín haustið 2018. Primera Air varð hins vegar gjaldþrota stuttu síðar.

Nú ætla forsvarsmenn hins nýja norska flugfélags, Norse Atlantic, að freista gæfunnar í Berlín með daglegu flugi til New York og þremur ferðum í viku til Los Angeles. Um þessi áform var kynnt í gær og fyrsta ferð er á dagskrá þann 17. ágúst.

Fyrirvarinn er því stuttur og fargjöldin lág í mörgum tilfellum. En segja má að með þessu nýjasta útspili Norse þá fái Icelandair og Play aukna samkeppni í flugi milli Berlínar og New York. Bæði félög eru nefnilega með tíðar ferðir til Berlínar og líka til New York en farþegar félaganna þurfa þó að millilenda á Keflavíkurflugvelli. Þeir sem fara með Norse komast alla leið í einu.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …