Samfélagsmiðlar

Íslandsflugið frá Napólí heyrir sennilega sögunni til

Í ár hafa miklu fleiri Ítalir heimsótt Ísland en árunum fyrir heimsfaraldur. Samgöngurnar milli Íslands og suðurhluta Ítalíu verða þó litlar á næstunni miðað við nýjustu breytingar.

Nú kemst landinn ekki lengur beint til Napólí.

Síðastliðinn sunnudag fór þota Wizz Air í loftið frá Keflavíkurflugvelli og tók stefnuna á Napólí. Þetta var 58. ferð ungverska flugfélagsins héðan til ítölsku borgarinnar á þessu ári og jafnframt sú síðasta.

Ekki bara í ár því biðin eftir næstu ferð til Napólí gæti orðið miklu lengri en útlit var fyrir.

Það var nefnilega ætlun stjórnenda Wizz Air að gera eingöngu hlé á Íslandsfluginu frá ítölsku borginni í vetur en taka upp þráðinn í vor. Nú er hins vegar ekki lengur hægt að bóka sæti á þessari leið og ekki fást skýringar hjá blaðafulltrúum félagsins á breytingunni.

Eins og staðan er í dag hefur því valkostum þeirra sem ætla héðan til Ítalíu fækkað en framboðið er engu að síður miklu meira en tíðkaðist. Áður takmörkuðust samgöngurnar milli Íslands og Ítalíu nefnilega við sumarferðir til Mílanó. Í ár hefur hins vegar líka verið hægt að fljúga héðan í hverri viku til Rómar, Feneyja, Veróna, Bologna og Napólí.

Þessi mikla breyting endurspeglast í talningu á ítölskum ferðamönnum hér á landi því þeir hafa verið miklu fleiri en á árunum fyrir heimsfaraldur eins og sjá má hér fyrir neðan. Og gera má ráð fyrir að mun fleiri Íslendingar hafi heimsótt Ítalíu að undanförnu en áður.

Þar á meðal báðir blaðamenn Túrista en hér má lesa nýja grein um áskoranir ferðaþjónustunnar í Róm.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …