Samfélagsmiðlar

Lætur gott heita sem ferðamálastjóri

Skarphéðinn Berg Steinarsson

Skarphéðinn Berg ferðamálastjóri segist áfram vilja láta að sér kveða í ferðaþjónustu en nú á öðrum vettvangi.

Skarphéðinn Berg Steinarsson hefur ákveðið að láta af störfum sem ferðamálastjóri um áramótin. Þetta tilkynnti hann starfsfólki Ferðamálastofu fyrr í dag en nú eru fimm ár liðin frá því að Skarphéðinn tók við embættinu. Honum bauðst að halda áfram önnur fimm ár en hefur ákveðið að láta gott heita.

Spurður um ákvörðunina þá segist Skarphéðinn mjög sáttur við tíma sinn sem ferðamálastjóri. Viðfangsefnin hafi verið fjölbreytt og gefandi. Margt hafi áunnist á þessum fimm árum í að bæta starfsumhverfi ferðaþjónustu.

Skarphéðinn bætir því við að hugur sinn standi til þess að takast á við nýjar áskoranir í greininni en hvað nákvæmlega það verði eigi eftir að koma í ljós.

„Það er uppgangur í ferðaþjónustunni sem býður upp á mörg tækifæri sem mig langar að taka þátt í vinna að og nýta.“

Í viðtali Túrista í sumar ræddi Skarphéðinn Berg stöðu ferðaþjónustunnar frá ýmsum sviðum, til að mynda fjárhagsstöðu greinarinnar, umhverfismálin og margt fleira.

Nýtt efni

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …