Samfélagsmiðlar

Landið ekki lengur lokað á jóladag

Framboð á flugi til og frá landinu í dag er óvenju mikið. Icelandair heldur ekki lengur í þá hefð að senda ekki þotur út í heim á jóladag.

Eitt sinn var Leifsstöð lokuð á jóladag en svo er ekki lengur.

Sérstaða Keflavíkurflugvallar meðal alþjóðaflughafna hefur lengi verið tvenns konar. Í fyrsta lagi sú að þar er ekkert innanlandsflug í boði og hins vegar það hlé sem gert var á flugi á jóladag. Þennan eina dag ársins var nefnilega lengi vel ekki hægt að komast til eða frá landinu jafnvel þó flugvellir í löndunum í kringum okkur hafi verið opnir og áætlunin fjölbreytt á jóladag sem og aðra daga ársins.

Erlendu flugfélögin sem hingað fljúga hafa rofið einangrun landsins með einstaka flugferðum á jóladag síðustu ár. Um síðustu jól var til að mynda flogið héðan til sjö borga á vegum þriggja erlendra flugfélaga sem var óvenju mikið framboð. Íslensku félögin hafa hins vegar haldið í hefðina og ekki sent neinar þotur út í heim á jóladag.

En nú bregður svo við að á dagskrá Keflavíkurflugvallar í dag eru átta brottfarir á vegum Icelandair, fjórar til Evrópu í morgun og jafn margar til Bandaríkjanna seinnipartinn. Til viðbótar standa erlend flugfélög fyrir þrettán ferðum og í heildina verða brottfarirnar frá Keflavíkurflugvelli tuttugu og ein í dag.

Það er miklu meiri umferð en verið hefur á þessu degi hingað til og þar með má kannski segja að sú séríslenska hefð að gera hlé á millilandaflugi á jóladag sé liðin undir lok. Aftur á móti þarf að bíða til ársins 2024 eftir því að samgöngur um helstu flugstöð landsins takmarkist ekki bara við alþjóðaflug.

Icelandair ætlar nefnilega að spreyta sig á flugi milli Akureyrar og Keflavíkur vorið 2024 og forstjóri félagsins horfir til þess að tengja landsbyggðina betur við Keflavíkurflugvöll.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …