Samfélagsmiðlar

Engin áform um að hefja flug á ný til Íslands

Sumarið 2018 gátu farþegar í Dallas í Texas valið úr ferðum þriggja flugfélaga til Íslands.

Í lok sumarvertíðar árið 2017 tilkynnti Wow Air að flug til bandarísku borgarinnar Dallas myndi hefjast vorið eftir. Aldrei áður höfðu áætlunarferðir héðan til Texas fylkis staðið til boða. Það liðu svo ekki nema nokkrir dagar þangað til Icelandair setti líka í sölu flug til Dallas og þar með ljóst að íslensku félögin myndu bæði blanda sér í baráttuna um farþega á leið milli Evrópu og Dallas. Um leið fengu íbúar borgarinnar kost á að ferðast hingað til lands án millilendingar.

Á Dallas flugvelli er helsta starfsstöð flugfélagsins American Airlines en þegar þarna var komið við sögu hafði félagið aldrei spreytt sig á Íslandsflugi. Og stjórnendur Isavia áttu ekki von á að breyting yrði þar á en skyndilega bárust þau boð frá bandaríska félaginu hingað til lands, eftir óhefðbundnum leiðum, að áætlunarflug til Íslands frá Dallas yrði á dagskrá frá og með vorinu.

Sumarið 2018 voru það því þrjú flugfélög sem héldu úti reglulegum ferðum milli Íslands og Dallas borgar í Texas.

Og óhætt er að segja að það hafi ýtt undir straum ferðamanna hingað til lands frá Dallas því nærri eitt hundrað þúsund farþegar nýttu sér þessar flugsamgöngur og miðað við þær upplýsingar sem Túristi fékk frá flugmálayfirvöldum vestanhafs þá voru bandarísku ferðamennirnir, sem hingað komu frá Dallas, um 24 þúsund. Það eru nokkru fleiri ferðamenn en heimsóttu Ísland frá Sviss á sama tíma.

Þrátt fyrir fjöldann þá var ekkert Íslandsflug í boði frá Dallas sumarið eftir. Wow Air var nefnilega farið á hausinn og Icelandair var í vandræðum vegna kyrrsetningar Max þotanna og setti aðra áfangastaði í forgang. Og þegar ljóst var að íslensku félögin myndu ekki snúa aftur til Dallas þá ákváðu stjórnendur American Airlines að skipta um kúrs og færa Íslandsflugið til Philadelphia og skora Icelandair á hólm þar í borg.

Áætlunarflug American Airlines frá Philadelphia var svo fellt niður áður en jómfrúarferðin var farin svo kom heimsfaraldurinn árið eftir. Og samkvæmt svörum frá bandaríska flugfélaginu í dag þá eru engin áform um að hefja áætlunarflug til Íslands á ný, hvorki frá Dallas, Philadelphia eða öðrum borgum.

Hvort sú afstaða breytist ef til að mynda Icelandair og Play setja stefnuna á höfuðvígi American Airlines á svo eftir að koma í ljós.

Helstu keppinautar American Airliens vestanahafs, Delta og United, ætla sér hins vegar áfram stóra hluti í ferðum til Íslands. Það fyrrnefnda mun fljúga hingað frá New York, Detroit og Minneapolis og það síðarnefnda frá Chicago og New York.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …