Samfélagsmiðlar

Erró og Play til Árósa

Listasafn Árósa, ARoS, fagnar endurkomu gesta eftir heimsfaraldur og býst við að 2023 slái ný met. Meðal þess sem prýða mun veggi ARoS er stærsta yfirlitssýning sem haldin hefur verið í Danmörku á verðum Errós.

Listasafn Árósa, ARoS

Listasafn Árósa, ARoS

Margar fréttir hafa verið sagðar síðustu mánuði af því að ferðafólk sé komið til baka eftir heimsfaraldur og sömuleiðis gestir á söfnum, í skemmtigörðum og á öðrum slíkum afþreyingarstöðum. Tökum sem dæmi Listasafnið í Árósum, ARoS, eitt stærsta listasafn í norðanverðri Evrópu.

ARoS fékk nærri 630 þúsund gesti í fyrra, þar af keyptu 514 þúsund miða á sýningar safnsins. Árið 2019 keyptu 547 þúsund miða.

Rebecca Matthews, safnstjóri ARoS – Mynd: ARoS

Þau sem stýra ARoS eru harla glöð með hversu hratt glaðnaði aftur yfir safninu á síðasta ári en það var lokað fyrstu vikurnar vegna kórónaveirufaraldursins. Rebecca Matthews, nýr safnstjóri ARoS, segir í fréttatilkynningu að aðsóknartölur síðasta árs séu hærri en hún hafi þorað að vonast eftir.

Tekin var fyrsta skóflustunga að nýrri viðbyggingu ARoS á liðnu ári. Hluti af byggingunni verður hvolfþak, listaverk eftir heimsþekkta bandaríska listamanninn James Turrell, liðsmann listahreyfingarinnar Light and Space, einnig þúsund fermetra sýningarrými í kjallara og útitorg. Þessi viðbót verður opnuð 2025.

„Við bjóðum gestum okkar í mögnuð ferðalög á nýja árinu,” segir Rebecca Matthews, sem býst við enn fleiri gestum en á nýliðnu ári.

Meðal þess sem ARoS státar af á nýja árinu er yfirlitssýning á verkum Errós, The Power of Images, sem opnuð verður 1. apríl og stendur til 3. september. Þetta mun vera stærsta yfirlitssýning sem haldin hefur verið á verkum Errós í Danmörku. Fyrirhuguð Erró-sýning í Árósum ber sama heiti og yfilitssýningin sem var í Hafnarhúsinu á síðasta ári og er unnin í samvinnu við Listasafn Reykavíkur. Áhugavert verður að fylgjast með því þegar Danir og aðrir meginlandsbúar uppgötva þetta mikla lífsverk Errós. 

Hluti myndar eftir Erró – Ljósmynd: Listasafn Reykjavíkur

Þess má geta að frá 12. júní til 15. september flýgur Play tvisvar í viku til og frá Árósum. Auk þess má búast við að margir sem fljúga til Kaupmannahafnar og aka þaðan til Jótlands eða koma með Norrænu til Hirtshals eigi eftir að tylla niður fæti í Árósum, sem Danir kalla stundum stærstu smáborg í heimi.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …