Samfélagsmiðlar

Þéttsetnari þotur hjá Play þriðja mánuðinn í röð

Að jafnaði voru 8 af hverjum 10 sætum skipuð farþegum í ferðum Play árið 2022.

Þegar stjórnendur Play kynntu rekstraráætlanir sínar fyrir fjárfestum í sumarbyrjun 2021 þá var lagt upp með að 865 þúsund farþegar myndu nýta sér ferðir félagsins árið 2022 og að sætanýtingin, hlutfall selda sæta, yrði að jafnaði 85 prósent yfir árið.

Nú liggur hins vegar fyrir að farþegahópurinn í fyrra taldi 789 þúsund farþega og nýtingin var 80 prósent. Aðeins í júlí og ágúst fór hlutfallið upp fyrir 85 prósent en þá var nýtingin ennþá betri hjá helsta keppinautnum eins og sjá má hér fyrir neðan.

Síðustu þrjá mánuði hefur þetta hins vegar snúist við því hlutfall seldra sæta hefur að undanförnu verið hærra hjá Play en Icelandair. Í desember höfðu raskanir á flugi áhrif á stöðuna en hins vegar ekki í október og nóvember.

Sætanýting er einn af þeim mælikvörðum sem notaðir eru til að meta rekstur flugfélaga en hlutfallið er almennt hærra hjá lágfargjaldaflugfélögum. Hjá Ryanair og Wizz Air eru til að mynda oftast rúmlega níu af hverjum tíu sætum seld. Skýringin liggur þá helst í verðlagningunni því þessi félög selja sætin oftar en ekki fyrir minna en gamalgrónu flugfélögin.

Hver verðþróunin hefur verið hjá Icelandair og Play síðustu mánuði kemur betur í ljós þegar félögin tvö birta uppgjör sín í næsta mánuði. Það er hins vegar ljóst að rekstur Play í fyrra var ekki í takt við þær áætlanir sem kynntar voru í fyrra.

Þar var gert ráð fyrir rekstrarhagnaði árið 2022, á fyrsta heila starfsárinu, upp á 11 milljónir dollara eða um 1,5 milljarð króna. Það liggur hins vegar fyrir að tap varð á rekstrinum og því var efnt til hlutafjárútboðs í byrjun nóvember þar sem stærstu hluthafarnir lögðu flugfélaginu til 2,3 milljarða króna. Hátt verð á olíu setti strik í reikninginn hjá Play í fyrra líkt og hjá fleiri flugfélögum. Í lok apríl drógu þannig stjórnendur Icelandair tilbaka spá sína um hagnað af rekstrinum en þá hafði verð á olíu hækkað hratt eftir að Rússar réðust á Úkraínu.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …