Samfélagsmiðlar

Þá getur Play veitt Icelandair samkeppni í Amsterdam

Þegar Play fór sína fyrstu ferð til Schiphol í desember árið 2021 fékk félagið viðeigandi móttökur.

Amsterdam hefur lengi verið einn arðbærasti áfangastaðurinn í leiðakerfi Icelandair og nýtir félagið reglulega breiðþotur í ferðirnar til Schiphol flugvallar og getur þá flutt fleiri farþega og þyngri frakt. Sterk staða í Amsterdam byggir einnig á áratugalöngu samstarfi Icelandair og hollenska flugfélagsins KLM.

Wow Air var ekki í neinu þess háttar sambandi en flaug engu að síður líka breiðþotum til hollensku höfuðborgarinnar sem skrifaðist að hluta til á verkefnaskort fyrir þessar stóru vélar eftir að dregið var úr ferðum til Kaliforníu.

Yfirvöld í Hollandi vilja hins vegar draga úr umferðinni við Schiphol og Play fékk aðeins tímabundið leyfi til að fljúga til Amsterdam frá desember 2021 og fram í mars í fyrra. Í dag hóf félagið svo sölu með stuttum fyrirvara á ferðum til borgarinnar frá 5. júní og fram í lok október. Flogið verður allt að fimm sinnum í viku.

Þota Icelandair í Amsterdam – Mynd: ÓJ

„Schiphol-flugvöllur er þriðji stærsti flugvöllur Evrópu og því ákaflega mikilvæg viðbót við leiðakerfi Play. Það er ekki hlaupið að því að fá lendingarleyfi á flugvellinum í dag. Þess vegna stukkum við til þegar okkur bauðst lendingarleyfi þar í sumar. Við vonumst að sjálfsögðu til að geta boðið upp á áætlunarferðir til Amsterdam allt árið og er þessi ákvörðun liður í því að koma okkur í þá stöðu. Markmiðið okkar í ár er að auka hlut hliðartekna verulega í okkar rekstri og með því að taka stefnuna til Amsterdam erum við að setja okkur í frábæra stöðu til að gera það með vöruflutningum,” segir Birgir Jónsson, forstjóri flugfélagsins, í tilkynningu.

Til að halda úti fluginu til Amsterdam þá hefur Play á móti hætt við áform sín um tvö flug til Árósa í sumar og einnig var ferðunum til Parísar fækkar úr 10 í viku niður í 8 yfir sumarmánuðina samkvæmt svörum frá Play við fyrirspurn Túrista.

Farþegum sem áttu bókað flug með Play til og frá Árósum fá miða sína endurgreidda að fullu.

Icelandair og Play eru ekki ein um að fljúga milli Keflavíkurflugvallar og Schiphol því Transavia heldur líka úti ferðum allt árið um kring á þessari leið.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …