Samfélagsmiðlar

Turkish Airlines ætla að tvöfalda flugvélaflota og farþegafjölda

Turkish Airlines hefur vaxið hröðum skrefum siðasta áratuginn. Þjóðarflugfélagið hefur notið þar góðs af nýjum flugvelli í Istanbul. Framundan er enn meiri vöxtur, samkvæmt áætlun sem nær til 100 ára afmælisársins 2033.

Á Istanbul-flugvelli

Í síðustu viku kynnti Turkish Airlines þróunaráætlun sína næstu 10 árin. Óhætt er að segja að hún sé metnaðarfull. Tyrkneska félagið er þegar meðal stærstu flugfélaga í heimi og stjórnendur ætla sér að styrkja stöðu þess enn betur á heimskortinu. Á meðan heimsfaraldurinn geisaði var Turkish Airlines með umfangsmeiri starfsemi en flest önnur félög. Nýi flugvöllurinn í Istanbul var að fullu tekinn í notkun 2019 og hefur hann styrkt verulega stöðu þjóðarflugfélagsins. Flugvöllurinn er sá fjölfarnasti í Evrópu.

Stefnt er að því að árið 2033 verði Turkish Airlines með yfir 800 flugvélar í rekstri. Nú er það með 435. Þá er gert ráð fyrir að farþegafjöldinn hafi tvöfaldast og verði 170 milljónir. Vonast Tyrkirnir til að tekjurnar á ári fari úr 18 milljörðum Bandaríkjadollara 2022 í 52 milljarða 2033 þegar 100 ára afmælinu verður fagnað.  

Áætlun um þróun í flota og farþegafjölda Turkish Airlines – MYND: Turkish Airlines

Starfsmenn Turkish Airlines og dótturfélaga eru nú 75 þúsund en vonir standa til að þeir verði tvöfalt fleiri að tíu árum liðnum – eða 150 þúsund. Félagið stefnir að því að auka notkun á SAF-eldsneyti og ná markmiðinu um kolefnishlutleysi árið 2050.

Áfangastöðum Turkish Airlines verður fjölgað úr 350 í 400. Erlendum áfangastöðum fjölgar úr 295 í 345 á þessum næstu 10 árum. Keflavíkurflugvöllur er ekki þar á meðal. Hinsvegar flýgur tyrkneska félagið til höfuðborga Noregs, Svíþjóðar, Finnlands og Danmerkur, auk Billund og Gautaborgar og ráðgerir flug til Álaborgar.

Turkish Airlines varð aðili að Star Alliance árið 2008.

Vél Turkish Airlines á flugi – MYND: Rohit Tandon/Unsplash
Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …