Samfélagsmiðlar

Búið að selja helming sætanna í sumar

Tekjur Norwegian fyrstu þrjá mánuði ársins voru umtalsvert meiri en tekjur Icelandair og Play samanlagt.

Tapið af rekstri Norwegian nam 992 milljónum norska króna á fyrsta fjórðungi ársins eða 13,8 milljörðum íslenskra króna. Þetta er aðeins betri niðurstaða en á sama tíma í fyrra en veltan var tvöfalt meiri að þessu sinni.

Horfurnar fyrir komandi sumarvertíð eru líka góðar að sögn Geir Karlsen, forstjóra Norwegian, því búið er að selja um helming þeirra farmiða sem í boði eru í sumar og verðið að jafnaði fjórðungi hærra en í fyrra.

Til viðbótar hefur olíuverðið lækkað umfram það sem stjórnendur Norwegian höfðu gert ráð fyrir. Þrátt fyrir jákvæðan tón frá forstjóra Norwegian á kynningafundi með fjárfestum í morgun þá lækkuðu hlutabréfin í flugfélaginu í dag um rúmlega fjögur prósent.

Sem fyrr segir nam heildartapið 13,8 milljörðum íslenskra króna hjá Norwegian á fyrsta fjórðungi ársins en tekjurnar voru 55,2 milljarðar kr. Til samanburðar voru tekjurnar 33,1 milljarður hjá Icelandair og tapið 9,2 milljarðar á meðan Play tapaði þremur milljörðum en hafði tekjur upp á 4,6 milljarða. Í þessum útreikningi er miðað við meðalgengi krónunnar gagnvart dollara og norskri krónu á fyrsta ársfjórðungi.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …