Öll þau nándarhöft sem lögð voru á íþróttamenn á Ólympíuleikunum í Tókýó árið 2021 verða afnumin þegar ólympíuleikarnir í París hefjast í sumar. Í Tókýó var farið fram á það við afreksfólkið sem tók þátt í leikunum að það forðaðist alla óþarfa nánd og snertingu til að koma í veg fyrir Covid-smit.
Ólympíuleikarnir og Ólympíumót fatlaðra verða haldnir í París á tímabilinu frá 26. júlí til 8. september og er búist við gífurlegum fjölda ferðamanna í borginni. Öfugt við leikana í Seoul 1988 gera skipuleggjendur ólympíuleikanna í París ráð fyrir mikilli rúmleikfimi meðal þeirra 10.500 þátttakenda sem koma til borgarinnar og er talið að leikarnir verði í þetta sinn hátíð nálægðar og snertingar. Stjórnendur og leikanna hafa boðað að 300.000 smokkum verði dreift til íþróttamannanna, til íþróttablaðamanna og líka til starfsmanna leikanna.
Hlauparar við Sigurbogann – MYND: OL24
Það er ekki nýjung að smokkum sé dreift á ólympíuleikunum. Þegar árið 1988 þegar þessi mikla íþróttahátíð var haldin í Seoul í Suður-Kóreu voru 8.500 smokkar sendir út og var það gert til að beina athyglinni keppendanna að áhættu á HIV-smiti.
Eftir Seoul-leikanna hefur verið hefð fyrir smokkadreifingum. Á ólympíuleikunum í Ríó í Brasilíu árið 2016 fóru 450.000 smokkar til þátttakenda. Þrátt fyrir allar þær takmarkanir sem giltu í Tókýó árið 2021 var samt 150.000 smokkum komið til íþróttamannanna en með því fororði að þeir ættu að taka smokkana með sér heim.
ÁSKRIFT MEÐ 50% AFSLÆTTI Í EINN MÁNUÐ. FULLT VERÐ Í FRAMHALDINU EN ALLTAF HÆGT AÐ SEGJA UPP.