Þær sextán borgir í veröldinni þar sem götumaturinn er í sérflokki. Þær sextán borgir í veröldinni þar sem götumaturinn er í sérflokki. Reykjavík kemst á listann og eingöngu vegna veitinganna við Tryggvagötu 1.
Það eru margar vestrænar borgir sem reyna að koma sér á kortið þessi misserin með því auka úrvalið af skyndibita sem seldur er út á götu. Í Stokkhólmi og Vancouver hefur til að mynda verið gert átak í því að búa til pláss í miðborgunum fyrir trukka sem flakka á milli og selja alls kyns hressingu. Hvorug þessara borga kemst þó á lista vefsíðunnar Thrilllist yfir þá staði þar sem götumaturinn er bestur. Þar er Reykjavík hins vegar í tólfta sæti og fyrir því er bara ein ástæða; Bæjarins bestu.
Lambakjöt, steiktur og remúlaði
Í umsögn Thrillist segir að leyndarmálið á bakvið þessar rómuðu veitingar á Bæjarins bestu sé smávegis af lambakjöti, steiktur laukur og remúlaðið. Í Reykjavík snýst því götumaturinn eingöngu um pylsur að mati Thrilllist en það er nóg til að koma borginni á lista þeirra fremstu.
Borgirnar þar sem götumaturinn er bestur
- Singapúr
- Bangkok, Taílandi
- Mexíkó borg
- Ho Chi Minh borg, Víetnam
- Marrakesh, Marokkó
- Mumbaí, Indland
- Shanghai, Kína
- Berlín, Þýskaland
- Tókíó, Japan
- London, Bretland
- Kingston, Jamaíka
- Portland, Bandaríkjunum
- Reykjavík
- Istanbúl, Tyrkland
- Ríó de Janeiro, Brasilía
- Cartagena, Kólumbía
TILBOÐ: BÓKAÐU BÍLALEIGUBÍL EN BORGAÐU SEINNA – LÆGSTA VERÐIÐ Á 120 HÓTELUM Í SKANDINAVÍU
