Samfélagsmiðlar

Hótelin sem mælt er með í Sankti Pétursborg

Af þeim borgum sem flogið er til beint frá Keflavík er Sankti Pétursborg sennilega sú sem er mest framandi. Hér eru þau hótel í borginni sem ferðaskríbentar og túristar gefa góð meðmæli og þar ættu því ókunnugir Íslendingar að vera vel settir.

Fyrrum höfuðborg Rússlands var byggð með það í hgua að heilla fólk upp úr skónum. Litlu var til sparað svo upp úr feninu myndi rísa ein glæsilegasta borg Evrópu. Það tókst og það er því ánægjulegt að íslenskum túristum gefist færi á að fljúga beint til borgarinnar í sumar þegar Icelandair hefur áætlunarflug þangað.

Hér eru sex misdýr hótel í borginni sem eiga það sameiginlegt að fá góða umsögn í þekktum ferðablöðum og meðal notenda Tripadvisor.

Vesta hotel – 15.000 kr.

Flestir af vinsælustu ferðamannastöðum borgarinnar eru í mesta lagi hálftíma göngufæri frá Vesta hótelinu. Staðsetningin er því virkilega góð og verðin sömuleiðis því ódýrustu tveggja manna herbergin kosta frá fimmtán þúsund krónum. Sérfræðingur Telegraph er sannfærður um að ódýrari verði hótelin ekki í borginni (hótelstjórinn er svo ánægður með þá umsögn að hann hefur sett hana á heimasíðuna). Í umsögn Telegraph kemur líka fram að innréttingar herbergjanna séu mjög einfaldar og Ikea-legar.

Arbat Nord – 20.000 kr.

Vel staðsett og einfalt hótel er það sem margir biðja um þegar þeir leita að gistingu í ókunnugri borg. Að mati ferðabóka Frommers þá er þetta eitt besta ódýra hótelið í Skt. Pétursborg og meðaleinkunin hjá Tripadvisor er 4 af fimm mögulegum. Seinni hluta sumars eru herbergin ódýrari og kosta frá 20.000 krónum samkvæmt heimasíðu hótelsins. Það er hins vegar hægt að finna þau aðeins ódýrari með því að smella hér.

NasHotel – 30.000 kr.

Innréttingarnar eru langt frá því að vera látlausar en hótelið vel staðsett og er það hótel í borginni sem fær þriðju bestu dómana á Tripadvisor. Ferðablað Sunday Times segir útsýnið frá herbergjunum framúrskarandi, sérstaklega frá áttundi hæð. Ef bókað er á heimasíðu hótelsins kostar nóttin í júní um 35.000 krónur en hér má finna herbergi á NasHotel á undir þrjátíu þúsund.

Alexander House og Pushka Inn – 35.000 kr.

Af þeim 228 hótelum í Sankti Pétursborg sem Tripadvisor hefur á skrá sinni þá fá þessi tvö bestu dómana. Blaðamaður NY Times mælir líka með Alexander House sem er tuttugu herbergja gististaður. Fram í ágúst kosta herbergin frá rúmum 40.000 en svo lækkar hótelstjórarnir verðið.

Corinthia Hotel – 40.000 kr.

Þetta fimm stjörnu hótel er innréttað í klassískum rússneskum stíl og er eitt af fínu hótelunum sem Conde Nast Traveler bendir fólki á. Nóttin kostar að lágmarki fjörtíu þúsund í ágúst en aðeins meira fyrri hluta sumars. En með því að nota bókunarvélina hér þá er hægt að finna herbergi á rúmar 33 þúsund krónur.

Smelltu hér til að leita að fleiri hótelum í Sankti Pétursborg

TENGDAR GREINAR: Rússlandsreisan hefst í Túngötu

Mynd: Archer10/Creative Commons

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …