Samfélagsmiðlar

Ódýrasta farið frá flugvellinum

Það er hægt að spara sér töluverðan gjaldeyri með því að nýta sér almenningssamgöngur á ferðalaginu til og frá útlensku flugstöðinni. Túristi fann ódýrasta farið frá nokkrum vinsælum evrópskum flughöfnum.

Berlín – 380 krónur

Það tekur um 20 mínútur að taka lest frá Schönefeld flugvelli og inn í bæ. Fargjaldið er um þrjár evrur (480 krónur) og því lítil ástæða til að borga leigubílstjóra 40 evrur fyrir skutlið. Lestin fer nokkrum sinnum á klukkutíma. Frá Tegel flugvelli er hægt að taka strætisvagna inn í bæ og kostar farið 2,4 evrur (380 krónur).

Kaupmannahöfn – 700 krónur

Á nokkurra mínútna fresti keyra neðanjarðarlestir frá Kastrup flugvelli áleiðis til miðborgarinnar. Ferðalagið til Kongens Nytorv tekur korter og kostar 36 danskar (um 700 íslenskar krónur) fyrir 12 ára og eldri. Miðinn gildir einnig í strætisvagna og aðrar lestir næsta klukkutímann. Þeir sem eiga pantaða gistingu í nágrenni við Ráðhústorgið og aðallestarstöðina ættu að heldur að taka hefðbundna lest í kjallara flugstöðvarinnar en fargjaldið með henni er það sama. Leigubíll inn í bæ kostar sjaldnast undir 250 dönskum (um 5000 kr.).

London – 940 krónur

Það er flogið til þriggja flugvalla í nágrenni við bresku höfuðborgina frá Keflavík. Hraðlestir komast á korteri frá Gatwick og Heathrow en farið með þeim kostar um 20 pund (3700 íslenskar). Þeir sem bóka miða frá Gatwick inn til Lundúna með Southern Railway með góðum fyrirvara fá hins vegar lestarmiða á fimm pund (940 krónur).

Neðanjarðarlestakerfi Lundúna nær út á Heathrow en lestin er um þrjú korter að komast þaðan og inn að Piccadilly Circus. Hún stoppar margoft á leiðinni og það getur orðið þröngt í vagninum. Þetta er því ekki heppilegur kostur fyrir þá sem ferðast með börn og mikinn farangur. Rútur National Express keyra jafnt og þétt á milli flugvallarins og miðborgarinnar og sætið er á 9 pund (um 1900 krónur). Það kostar álíka mikið með Easybus frá Luton flugvelli.

Osló – 2600 krónur

Höfuðborg Noregs er ekki þekkt fyrir lágt verðlag. Það þarf því ekki að koma á óvart að það kostar töluvert að komast af Gardermoen flugvelli. Rúta Flybussen er ódýrasti kosturinn og miðinn er á 125 norskar ef bókað er á netinu. Hraðlestin frá Gardermoen flugvelli kostar um þúsund krónum meira.

París – 1800 krónur

Þú ert tæpan hálftíma á leiðinni inn til Parísar frá Charles de Gaulle flugvelli um borð í lest. Þessi þægilegi ferðamáti er jafnframt sá ódýrasti. Farið er á 9,5 evrur en leigubílstjóri rukkar um 50 evrur (9400 krónur) fyrir skutlið að hótelhurðinni. Það er munar því töluverðu á þessum kostum. Flugrútur Air France eru líka fínn kostur en þó dýrari en lestin.

Í einhverjum tilvikum er hægt að komast ennþá ódýrara frá flugstöðinni með hefðbundnum strætisvögnum en það getur verið flókið ferðalag fyrir aðkomufólk.

Greinin birtist áður í Fréttatímanum.

TILBOÐ: Frír morgunmatur fyrir lesendur Túrista í Kaupmannahöfn

Mynd: Ditte Valente

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …