Samfélagsmiðlar

Svona kemstu til Manhattan frá Newark og JFK

newyork loft Troy Jarrell

Ertu á leið til New York eða að spá í ferðalag þangað? Ef svo er þá geturðu valið á milli áætlunarferða þriggja flugfélaga til borgarinnar sem annað hvort lenda á JFK flugvelli eða Newark. Og þetta eru svo kostirnir sem eru í boði til að koma sér til og frá flugvöllunum og inn á Manhattan.
Eftir langt ferðalag er freistandi að hoppa upp í leigubíl við komuna á áfangastað og láta keyra sér beint að gististaðnum. Sérstaklega í stórborg eins og New York en eins og sjá má þá eru margir aðrir möguleikar fyrir hendi og flestir eru þeir ódýrari en leigubíllinn. Skiptir þá engu hvort flogið er til Newark eða JFK flugvallar en Icelandair býður upp á ferðir til beggja þessara flugvalla á meðan WOW flýgur héðan til Newark og Íslandsflug Delta er frá JFK.

Newark flugvöllur

Strætó og lest: ca. 700 krónur – 60 mínútur

Leið númer 62 fer reglulega frá flugvallarsvæðinu og keyrir til Newark Penn Station. Þaðan er hægt að taka lest NJ Transit til Manhattan og borga um 5 dollara (um 600 krónur) fyrir allt ferðalagið.

Lest: ca. 1600 krónur – 40 mínútur

AirTrain lestirnar flytja farþega milli flugstöðvarinnar og Newark Liberty Airport Station allan sólarhringinn. Oftast eru aðeins þrjár mínútur á milli lesta og ferðin út á Newark Liberty stöðina tekur aðeins nokkrar mínútur. Þegar þangað er komið þarf að skipta yfir í lest NJ Transit sem keyrir fjórum til sex sinnum á klukkutíma til Penn Station á Manhattan. Hægt er að kaupa miða sem gildir í bæði AirTrain og NJ Transit við innganginn í lestina á flugvellinum. Ef ekki þarf að bíða lengi eftir NJ Transit þá tekur ferðalagið um fjörtíu mínútur. Lestir Amtrak keyra líka þessa leið og kostar farið a.m.k. 26 dollara.

Rúta: um 2000 krónur – 45 til 60 mínútur

Áætlunarferðir Newark Airport Express eru í boði á korters fresti frá morgni og fram yfir miðnætti. Rútan stoppar á þremur stöðum á Manhattan og við allar þrjár álmur flugvallarins. Farið kostar 17 dollara en 29 dollara báðar leiðir. Ögn ódýrara ef keyptar eru báðar leiðir í einu. NYC Airporter er líka með áætlunarferðir fyrir sama verð. Fyrirtækið keyrir fólki upp á hótel sem eru miðsvæðis á Manhattan án aukagjalds.

Skutla: 1700 krónur – 45 til 60 mínútur

Ef þú vilt láta keyra þig til og frá hótelinu án þess þó að leggja út fyrir leigubíl eru skutlur á vegum Go Airlink NYC og Super Shuttle fínn kostur. Bílarnir taka um 10 farþega og keyra annað hvort beint upp á hótel með hvern og einn eða koma þeim í aðra bíla þegar komið er inn í borgina. Fyrirtækin sækja svo fólk upp á hótel á ákveðnum tímum. Farið kostar um 17 dollara aðra leið og ódýrara ef bókaðar er báðar leiðir í einu.

Leigubíll eða Uber: Að minnsta kosti 4 til 5 þúsund krónur – 30 mínútur

Gulir leigubílar bíða við flugstöðina og bjóða oftast fast verð inn á Manhattan. Ef fjórir ferðast saman þá getur verið ódýrara að taka leigubíl en lest eða rútu. En umferðin getur auðveldlega lengt ferðalagið með bíl töluvert. Að deila Uber bíl með ókunnugum ætti að vera ódýrari kostur. 

John F. Kennedy flugvöllur

Metró: 900 krónur – 50 til 75 mínútur

AirTrain lestirnar keyra jafnt og þétt milli flugvallarsvæðisins og nálægra metróstöðva. Á heimasíðu flugvallarins má sjá hvað metrólínu skal taka eftir því hvert á Manhattan skal haldið. Sjá upplýsingarnar hér.

Rúta: um 1700 krónur – 45 mínútur

Kosturinn við nýta sér NYC Airporter er sá að þegar komið er inn á Manhattan þá býður fyrirtækið upp á fríar ferðir á hótel sem eru miðsvæðis. Þetta getur þó tekið smá tíma og einhverjir sem vilja heldur taka leigubíl síðasta spölinn.

Skutla: 2200 krónur – 45 til 60 mínútur

Líkt og frá Newark er hægt að taka bíl á vegum Go Airlink NYC og Super Shuttle frá JFK flugvelli og upp á hótel.

Leigubíll eða Uber: Að minnsta kosti 4 til 5 þúsund krónur – 30 mínútur

Bílstjóri á gulum leigubíl má aðeins rukka farþega 52 dollara (þjórfé bætist við) fyrir farið frá flugstöðinni og inn á Manhattan. Að deila Uber bíl með ókunnugum ætti að vera ódýrari kostur.

SMELLTU HÉR TIL AÐ BERA SAMAN VERÐ GISTINGU Í NEW YORK OG HÉR TIL AÐ BERA SAMAN FLUGFARGJÖLDIN TIL NEW YORK

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …