Samfélagsmiðlar

Bókunarsíður finna ekki alltaf ódýrasta tengiflugið

Það getur borgað sig að sannreyna farmiðaverðið sem vinsælar leitarvélar telja að sé það lægsta.

Þó flogið sé frá Keflavík til rúmlega þrjátíu áfangastaða í vetur þá þurfa íslenskir ferðamenn oft að millilenda á leið sinni út í heim. Þeir sem bóka ferðalagið sjálfir geta nýtt sér bókunarsíður eins og Dohop, Skyscanner og Kayak til að finna ódýr fargjöld en það er þó ekki víst að þar finnist hagstæðustu verðin eða heppilegustu ferðatímarnir.

Mikið úrval á Gatwick

Það er flogið til þriggja flugvalla í nágrenni við London frá Keflavík. Á Gatwick halda mörg lággjaldaflugfélög til og þaðan er því hægt að fara í allar áttir fyrir frekar lítið. Icelandair og Wow Air fljúga reglulega til Gatwick sem minnkar líkurnar á löngum biðtíma milli flugferða, t.d. með því að fljúga út með öðru félaginu en heim með hinu.

Ryanair, stærsta lággjaldaflugfélag Evrópu, hefur almennt ekki viljað vinna með bókunarsíðum og kemur því ekki alltaf upp í leitum þeirra eftir ódýrasta farinu. Sá sem vill til Sevilla á Spáni í vor og leitar á vinsælustu bókunarsíðunum finnur flug þangað á um áttatíu þúsund krónur. Hins vegar er hægt að ná verðinu niður í um 45 þúsund, fyrir utan farangursgjöld, með því að bóka farið frá Gatwick til Sevilla hjá Ryanair og flugið til London hjá Icelandair eða Wow Air.

Til Dubai fyrir rúmar 70 þúsund krónur

Norwegian flugfélagið er mjög umsvifamikið á Oslóarflugvelli og flýgur meðal annars til Dubai í Sameinuðu arabísku furstadæmunum á veturna. Íslendingur sem vill brjóta upp veturinn með sólarlandaferð þangað kemst fyrir rúmar 70 þúsund krónur með því að fljúga til Oslóar með Icelandair, bíða nokkra tíma og halda svo áfram með Norwegian til Dubai. Bókunarsíðurnar leggja heldur til flug í gegnum London og þaðan áfram með dýrari flugfélögum en Norwegian. Heildarverðið verður því um helmingi hærra en í dæminu hér að ofan og ferðatíminn lengri.

Newark opnar dyr

Á mánudaginn hefur Icelandair flug til Newark í nágrenni við New York borg. Á þeim flugvelli er til að mynda hægt að fljúga með lággjaldaflugfélaginu Southwest áfram til Chicago. Sá sem bókar í tíma getur fengið farið alla leið á rétt tæpar 100 þúsund krónur í vor. Samskonar ferð kostar um tíu prósent meira ef notast er við leitarvélar.

Það er hægt að setja saman óteljandi ferðaáætlanir og líklega fara öflugustu leitarvélarnar nærri því að finna ódýrustu samsetninguna í flestum tilfellum. En eins og dæmi hér að ofan sýna þá getur stutt leit á heimasíðum flugvalla og flugfélaga sparað töluverðan pening.

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir sumarfríið

Mynd: Gatwick Airport

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …